Problemet e Barcelonës nuk kanë fund, nuk po arrijnë t’i regjistrojnë edhe tre lojtarë
Barcelona është duke vazhduar me probleme të mëdha ekonomike meqenëse s’po arrin t’i regjistrojë edhe tre lojtarë, me Marcos Alonson që ndodhet në listë.
Kampioni i Spanjës ende nuk ka regjistruar Alonson, qendërmbrojtësin e ri Inigo Martinez dhe portierin e dytë Inaki Pena.
Alonso deri më tani nuk ka nxjerrë probleme meqenëse nuk po e konsideron largimin nga “Camp Nou”, në fakt s’po pranon as të dëgjojë oferta.
Ish mbrojtësi i Chelseas qëndroi në tribuna në dy ndeshet e para të sezonit shkaku që rregullat financiare kanë ndikuar që Barcelona të mos e regjistrojë në La Liga.
Sidoqoftë, gazetari Gerard Romero raporton se një klub nga Premierliga po konsideron të bëjë ndonjë ofertë zyrtare për spanjollin.
Barcelona edhe vitin e kaluar ka pasur vështirësi financiare, ku 24 orë pa nisur edicioni arritën t’i regjistrojnë katër nga pesë transferimet e fundit.
Katalunasit janë duke provuar të shesin disa lojtarë, si dhe të zbresin pagat në mënyrë që të bilancojnë financat por deri më tani nuk është që ka funksionuar.
Sidoqoftë, huazimi i Sergino Dest mund të lirojë paksa vend për një tjetër lojtar mirëpo nuk dihet nëse Barcelona do ta regjistrojë ndonjë nga lojtarët e lartpërmendur apo do të presin për Joao Cancelon, i cili do t’iu bashkohet brenda javës.
