Katar 2022 | “Bëmë debutimin tonë të vërtetë” – Thotë Messi pasi frymëzoi Argjentinën drejt fitores së parë në këtë Botëror
Ylli i Paris Saint-Germain, Lionel Messi, u lehtësua pasi udhëhoqi Argjentinën drejt një fitoreje vendimtare ndaj Meksikës pas hapjes katastrofike të skuadrës së tij në Kupën e Botës kundër Arabisë Saudite.
Messi zbuloi se disfata e papritur kundër sauditëve tronditi dhomën e zhveshjes dhe ata ishin mirënjohës për një mundësi tjetër për të ndryshuar gjërat.
Duke folur me gazetarët, Messi tha: "Ne jetuam me parehati, duke qenë se humbja në ndeshjen hapëse [kundër Arabisë Saudite] ishte diçka që nuk e prisnim. Ditët ishin shumë të gjata dhe ne ishim të etur të kishim mundësinë për ta kthyer atë shans prapa.
"E dinim se ishte një lojë kritike. Fatmirësisht kishim opsionin për të fituar dhe ishte një peshë në supet tona, një arsye për gëzim dhe paqe mendore sepse gjithçka varet nga ne përsëri. Ne kishim nevojë për këtë rezultat, duket sikur në pjesën e dytë ne bëmë debutimin tonë të vërtetë në këtë Botëror”.
Kapiteni i Argjentinës e theu ngërçin kundër Meksikës me një goditje mahnitëse dhe më pas dha asistimin për mesfushorin e Benficës, Enzo Fernandez. Në këtë proces, ai u bë futbollisti i parë që ka të paktën një asistim në pesë edicione të Kupës së Botës, teksa barazoi Maradonën për gola të shënuar në Botërore dhe u bë i vetmi futbollist që arrin gol dhe asist si lojtari më i ri dhe më i vjetër në një ndeshje të Kupës së Botës.
Argjentina tani do të shpresojë të vulosë vendin e tyre në fazën e eliminimit direkt teksa do të përballet me Poloninë në ndeshjen e fundit të fazës së grupeve më 30 nëntor.
