Tyson Fury do ta publikojë albumin e parë, për të mbledhë fonde për bamirësi
Boksieri britanik, Tyson Fury, do të publikojë këngën e tij debutuese për të mbledhur para për organizatën bamirëse të shëndetit mendor të burrave ‘Talk Club’.
Dy herë kampioni botëror i peshave të rënda ka bërë ‘Cover’ këngën klasike Sweet Caroline të Neil Diamond.
Kënga do të publikohet më 11 nëntor përpara se të fillojë Kampionati Botëror 2022 në Katar.
Ai u zgjodh për statusin e tij si një tifoz i preferuar në shumë ngjarje sportive në Mbretërinë e Bashkuar, me Fury që thotë se ndjen një lidhje të veçantë me skenën.
“Sweet Caroline është një album që e kam dashur gjithmonë dhe jam i emocionuar ta regjistroj dhe publikoj”, tha boksieri 34-vjeçar britanik, i cili njihet për këndimin në ring pas meçeve të tij.
"Dhe falë njerëzve në Warner Music, ata më kanë dhënë mundësinë për ta bërë këtë, dhe ka kohë më të mirë për ta publikuar atë se sa para se të fillojë Kupa e Botës," tha ai.
Fury, i cili do të ndeshet me Derek Chisoran në meçin e tyre të tretë(trilogji) në dhjetor, tha se ishte krenar që ishte partner me ekipin në Talk Club "të cilët bëjnë një punë kaq të mrekullueshme".
Ai shtoi: “Nëse e ndihmon Anglinë gjatë rrugës në Kupën e Botës, ky është një bonus shtesë”.
Fury më parë ka folur hapur për betejat e tij me shëndetin mendor dhe 100% e fitimeve nga kjo këngë, përfshirë fitimet e Furyt, do t'i dhurohen Talk Club.
Organizata bamirëse ofron mbështetje për burrat duke ofruar grupe për të folur, grupe sportive dhe terapi.
Bashkëthemeluesit, Ben Akers dhe Gavin Thorpe, thanë: "Vetëvrasja është vrasësi më i madh i burrave nën 50 vjeç në Mbretërinë e Bashkuar. Tyson Fury është një kampion, brenda dhe jashtë ringut për shumë prej atyre burrave.
"Burrat e shohin veten në Tysonin, kështu që kur ai flet ose këndon, ata dëgjojnë."
Fury tha: “Kam qenë shumë i zëshëm për luftën time për shëndetin mendor, veçanërisht që nga rikthimi im.
"Është shkruar gjerësisht për uljet dhe ngritjet e mia, kështu që jam përpjekur të vazhdoj të flas për të sa më shumë që të mundem dhe të vazhdoj të përpiqem të thyej turpin tek njerëzit."
