“Nuk ka fjalë që përshkruan pikëllimin tonë” – Hatayspor bënë nderime për Atsun që u gjend i vdekur nën rrënoja

Klubi turk që ishte edhe skuadra e fundit e Christian Atsus, Hatayspor, ka bërë nderime për 31-vjeçarin që u gjend sot i vdekur në mëngjesin e së shtunën nën rrënojat e shkaktuara nga tërmeti tragjik i 6 shkurtit në Turqi dhe Siri.

Atsu ishte zhdukur që nga dita kur nderta ku po banonte në qytetin Hatay u shemb nga tërmeti dhe trupi i tij u kërkua për 12 ditë radhazi.

Futboll / E konfirmuar: Christian Atsu gjendet i vdekur nën rrënoja

Në një deklaratë emocionale, Hatayspor bëri nderimet e saj për anësorin ganez: “Varrimi i futbollistit tonë, Christian Atsu, është rrugës për t'u dërguar në vendlindjen e tij në Ganë. Nuk do të harrojmë Atsu. Paqja qoftë mbi ty, njëri i mirë. Nuk ka fjalë për të përshkruar pikëllimin tonë. Pusho në paqe ATSU.”

Një ditë para tërmetit, 31-vjeçari kishte shënuar golin e fitores për skuadrën e tij nga një goditje e lirë në minutat shtesë të ndeshjes. Ishte ky gol që ia ndryshoi mendjen për të qëndruar në skuadër, ku pak orë para tërmetit anuloi fluturimin e tij drejt familjes në vendlindje.

Ish-anësori i Chelseat, Evertonit dhe Newcastles, kishte luajtur për skuadrën turke që nga shtatori i vitit 2022, kur nënshkroi kontratë njëvjeçare.

Të gjitha ish-skuadrat e tij kanë bërë nderimet e tyre me të kuptuar vdekjen e futbollistit.

Në një postim në Twitter, faqja zyrtare e Chelsat shkroi: “Të gjithë në klubin e Chelseat janë të shkatërruar me lajmin që ish-futbollisti ynë, Christian Atsu, ndërroi jetë. Ngushëllimet tona shkojnë për familjen dhe shoqërinë e tij.”

Edhe te Newcastle dhe Evertoni ndanë zhgënjimin e madh me lajmin e mësuar.

“Ne jemi thellësisht të pikëlluar me lajmin se Christian Atsu humbi jetën e tij në tërmetin tragjik në Turqi. Një futbollist i talentuar, një person i veçantë, ai do të kujtohet gjithmonë nga lojtarët, stafi dhe tifozët tanë. U prefsh në paqe, Christian”, shkroi Newcastle.