Mancini me dedikim të veçantë për ish-shokun e skuadrës dhe shokun e jetës
Trajneri i Kombëtares së Italisë, Roberto Mancini, ka bërë një dedikim të veçantë për ish-shokun e skuadrës dhe shokun e jetës së tij, Gianluca Vialli, që vdiq dje në moshën 58-vjeçare pas një lufte të gjatë me kancerin. Mancini tha se ‘vëllai i tij i vogël’ ishte një njeri i përsosur dhe i guximshëm.
Ish-sulmuesi i Chelseat dhe Italisë, i cili u diagnostikua me kancer pankreatik në vitin 2017, vdiq të premten.
Vialli luajti së bashku me Mancinin për Sampdorian, si dhe për Italinë dhe ishte pjesë e stafit të trajnerëve të Mancinit në triumfin e ‘Azurëve’ në Euro 2020.
“Ne u takuam në moshën 16-vjeçare dhe nuk u larguam kurrë nga njëri-tjetri”, tha Mancini, 58 vjeç.
"Luajtëm për të rinjtë e Italisë dhe seniorët, për Sampdorian, në nivele të larta dhe të ulëta, përjetuam fitoret dhe humbjet së bashku."
Vialli dhe Mancini krijuan një partneritet të frytshëm në sulm te Sampdoria dhe u quajtën 'binjakët e golit'.
Në tetë vjet së bashku ata fituan titullin e vetëm të Sampdorias në Serie A në vitin 1991, si dhe tre trofe të Kupës së Italisë dhe Ligën e Konferencës në vitin 1990, që atë kohë kishte emër tjetër.
Vialli u emërua nga Mancini shef delegacioni i Italisë në tetor të 2019 dhe përqafimi i tyre i përlotur pas fitores ndaj Anglisë me penallti në Wembley në finalen e Euro 2020 ishte një nga imazhet më të mira të turneut.
Të dy ishin pjesë e skuadrës së Sampdorias që humbën nga Barcelona në finalen e Ligës së Evropës të vitit 1992 në Wembley.
“Ato dy netë në Wembley – shumë vite më parë ne qamë me dhimbje dhe hidhërim, dhe më pas ne qamë me gëzim sikur të ishim të bashkuar nga fati para se të vdiste”, tha Mancini për Corriere dello Sport.
"Ai luajti një rol kyç në triumfin tonë në Kampionatin Evropian. Lojtarët e donin atë."
Vialli, i cili luajti 59 herë për Italinë, zbuloi në vitin 2020 se i ishte shëruar plotësisht, por u diagnostikua me kancer pankreatik përsëri në vitin 2021.
“Gianluca na motivoi, edhe pse ne nuk e dinim, ai e përdori për të luftuar sëmundjen e tij aq fort sa që arriti të ishte me ne për aq kohë sa të mundej. Gianluca ishte më i miri prej nesh, një njeri i përsosur, i guximshëm. Ishte një privilegj të isha shoku i tij, shoku i tij i skuadrës në futboll dhe në jetë”.
Vdekja e Viallit pason atë të ish-trajnerit të Milanit dhe Bolognës, Sinisa Mihajlovic, i cili gjithashtu luajti përkrah Mancinit te Sampdoria.
Ai vdiq në moshën 53-vjeçare muajin e kaluar pasi u diagnostikua me leukemi në vitin 2019.
“Vetëm pak ditë pasi Sinisa ndërroi jetë kam humbur një vëlla tjetër, apo vëlla të vogël siç doja ta quaja”, tha Mancini.
Vialli la rolin e tij me Italinë në dhjetor të 2022-ës për t'u fokusuar në shëndetin e tij.
Mancini tha se ai vizitoi Viallin në spital më 29 dhjetor dhe se shoku i tij ishte "i pafuqishëm, me pak zë" por mbeti "shumë i kthjellët".
Ai shtoi: “Folëm pak për gjithçka, madje më pyeti për takimin e dhjetorit me të rinjtë, donte të dinte zhvillimet e projektit. Me forcën e tij, do të shkoj përpara t'i kushtoj diçka të rëndësishme, të cilën e kemi ëndërruar për një jetë."
