Kampioni i botës në boks nënshkruan kontratë me skuadrën ukrainase në futboll

Kampioni i peshave të rënda, Oleksandr Usyk, ka nënshkruar kontratë me klubin ukrainas Polissya që nga sezoni vijues do të bëjë gara në Premierligën e Ukrainës.

Teksa një meç për unifikimin e titujve botëror në boks me Tyson Furyn po vonon shumë dhe nuk ka lajme se një i tillë do të ndodhë, 36-vjeçari ukrainas duket se ka ndërruar dorëzat e boksit me këpucët e futbollit.

Kampioni i peshave të rënda Usyk, i cili u stërvit si futbollist me Tavriya Simferopol të Ukrainës si adoleshent përpara se të kalonte në boks, nënshkroi një "marrëveshje bashkëpunimi në futboll" me klubin të mërkurën dhe do të veshë fanellën me numrin 17.

36-vjeçari më parë bëri një paraqitje si zëvendësues për Polissya në një ndeshje miqësore vitin e kaluar.

Polissya do të luajë në Premierligë të Ukrainës në sezonin 2023-24, pasi fitoi promovimin me një përfundim në vendin e parë në Ligën e Parë të Ukrainës të nivelit të dytë të sezonit të kaluar.

"Unë e respektoj dhe jam krenar për këtë njeri. Qëndrimi i tij ndaj stërvitjes është një shembull i shkëlqyeshëm për ekipin Polissya," tha presidenti i klubit, Gennadiy Butkevych në një deklaratë të enjten.

Boks / Zyrtare: Usyk do t’i mbrojë titujt e botës kundër Dubois muajin e ardhshëm

Usyk do të hyjë më pas në ringun e boksit në Tarczynski Arena në Wroclaw, Poloni, më 26 gusht, ku ai do të mbrojë titujt e tij në kategorinë e rëndë IBF, IBO, WBO dhe WBA kundër britanikut Daniel Dubois.

Usyk është i pamposhtur në 20 luftëra si profesionist, me 13 nokaut ndërsa Dubois ka fituar 19 nga 20 ndeshjet e tij, duke humbur një.