“I uritur si të ishte 18-vjeçar” - Trajneri i Portugalisë me fjalë të mëdha për Ronaldon, pavarësisht se nuk shënoi ndaj Islandës
Pavarësisht se nuk shënoi asnjërin prej golave në fitoren 2:0 të Portugalisë ndaj Islandës, trajneri i portugezëve, Roberto Martinez, ka thurur elozhe për yllin 38-vjeçar, Cristiano Ronaldo, për të cilin tha se është i uritur për të shënuar si të ishte një 18-vjeçar.
Portugalia e përfundoi fushatën e saj kualifikuese për Euro 2024 me një rekord perfekt pasi mundi Islandën 2:0 në ndeshjen e tyre të fundit të dielën. Golat e Bruno Fernandes dhe Ricardo Horta i dhanë skuadrës së Martinez të tre pikët, me Ronaldon që duroi një mbrëmje jo aq të mirë në fazën sulmuese.
Ronaldo ishte kryesisht i paefektshëm kundër Islandës dhe humbi një shans të artë nga tre metra përpara se Horta të shënonte nga topi i kthyer për të mbyllur fitoren e Portugalisë. Megjithatë, sulmuesi 38-vjeçar arriti të shënonte 10 gola në nëntë paraqitjet e tij në kualifikueset e Grupit J, dhe Martinez është i bindur se ai nuk e ka humbur aftësinë, që ai di të bëjë më së miri.
I pyetur për performancën e Ronaldos pas ndeshjes, trajneri i Portugalisë, Martinez u tha gazetarëve: "Cristiano Ronaldo është po aq i uritur sa një lojtar 18-vjeçar. Ai është një model, ai gjithmonë përpiqet të jetë në pozicionin e duhur dhe është në kërkim të golit."
Respekti që skuadra e Portugalisë ka për Ronaldon u nënvizua nga një gjest i portierit të Romës, Rui Patricio pas fishkëllimës së fundit. Sipas The Sun, ylli i Al Nassr ia dha fanellën e tij një lojtari kundërshtar dhe zëvendësuesi Patricio më pas i ofroi atij pallton për të qëndruar ngrohtë.
Look at the love & respect of Rui Patricio towards Cristiano Ronaldo.
— CristianoXtra (@CristianoXtra_) November 20, 2023
This is what today's young generations are missing in the squad.
pic.twitter.com/Gekjyij3Kr
Ronaldo tani do të kthehet në detyrën me klubin Al Nassr, i cili aktualisht ndodhet i dyti në tabelën e Ligës Pro Saudite. Kapiteni i Portugalisë do të jetë në radhë për të startuar kur skuadra e Luis Castros të përballet me Al Akhdoud të premten dhe do të shpresojë të shtojë numrin e tij prej 13 golave në sezonin 2023-2024.
