Barcelona fitimtarja e vetme në ditën e fundit të afatit kalimtar, transferoi dyshen portugeze në formë huazimi

Joao Felix dhe Joao Cancelo, do të jenë lojtarët më të rinj të Barcelonës, pasi katalunasit arritën që krejtësisht në fund të afatit kalimtar të siguronin huazimin për një sezon për të dy, duke mbyllur gojën e shumë kritikëve.

Felix u konfirmua si lojtar i Barçës të premten, me sulmuesin që ka ardhur në formë huazimi nga Atletico Madrid. Cancelo u zbulua menjëherë pas tij, pas një periudhe të trazuar në Manchester City. Ai gjithashtu u bashkua me një huazim për një sezon.

Futboll / Rrugës për t’u transferuar te Barcelona, Joao Felix mungon në stërvitjen e fundit të Atletico Madridit

Kuptohet që asnjëra marrëveshje huazimi nuk përfshin një klauzolë të detyrimit për blerje. Felix do të lehtësohet që makthi i tij në Atletico Madrid ka marrë fund, me një përplasje të profilit të lartë me Diego Simeone që e çoi atë në stërvitje me ekipin e të rinjve në fillim të verës. Në korrik, ai deklaroi publikisht dëshirën e tij për të përfunduar një lëvizje "ëndërr" në Camp Nou - dhe tani ai e ka përmbushur dëshirën e tij.

Cancelo ka kaluar gjithashtu një periudhë të vështirë kohët e fundit. Pasi marrëdhënia e tij me trajnerin e Cityt, Pep Guardiola u përkeqësua. Ai u dërgua në Bayern Munich në formë huazimi, ku ai luftoi për të arritur një vend në ekipin e parë nën drejtimin e Thomas Tuchel. Ai do të synojë të kthehet në maksimumin e tij te katalunasit.

Dyshja do të jenë të pranishëm kur Barcelona të përballet me Osasunën të dielën, por nuk dihet a do të ketë minuta për ta në atë ndeshje.