Ministria e Financave ka një njoftim rreth pensionistëve
Ministria e Financave ka njoftuar se ka filluar pilotimi i lajmërimeve të pensionistëve në shtëpi 85 dhe mbi këtë moshë në rajonin e Prishtinës.
Siç thuhet në njoftimin e kësaj ministrie, ekipet kanë filluar me realizimin e vizitave, ku të gjithë pensionistët që kanë plotësuar kriteret janë lajmëruar dhe të dhënat janë përditësuar në sistemin e integruar të Pensioneve.
“Ftojmë pensionistët tjerë nga rajoni i Prishtinës që plotësojnë kriteret e paraqitura në njoftim, të dërgojnë kërkesat për lajmërim në shtëpi përmes emailit pensionet.pr@rks-gov.net. Nëse keni ndonjë paqartësi, ekipi jonë do t’u udhëzoj përmes emailit”, thuhet në njoftimin e tyre.
