Një burrë gjendet pa ndjenja pasi hajnat e sulmuan dhe e grabitën shtëpinë e tij në Gjilan
Policia e Kosovës ka bërë të ditur se një person është gjetur pa ndjenja në shtëpinë e tij në Gjilan, pasi dyshohet se persona të panjohur i shkaktuan lëndime dhe kryen grabitje.
Sipas policisë, viktima është dërguar për trajtim mjekësor.
Ende nuk dihet se çka është vjedhur.
Raporti i plotë:
GRABITJE
Gjilan 09.07.2023-03:58. Viktima mashkull kosovar është gjetur në shtëpinë e tij pa ndjenja pasi që dyshohet se persona të panjohur pasi kanë depërtuar në shtëpinë tij, të njëjtit i kanë shkaktuar lëndime dhe kanë kryer veprën e cekur. Viktima është dërguar për tretman mjekësor, ndërsa ende nuk dihet se çfarë është grabitur. Lidhur me rastin është informuar edhe prokurori, ndërsa njësitet policore janë duke hetuar rastin.
