Kurti pas vendimit për viza: Dëshmi e progresit drejt BE-së
Kryeministri i Republikës së Kosovës, Albin Kurti ka reaguar pas vendimit për viza.
Përmes një cicërime në rrjetin social "Twitter", Kurti tha se kjo është dëshmia më e mirë që vendi po shënon hapa para drejt BE-së, pikërisht në ditën e aplikimit.
“Sot, kur Republika e Kosovës bëri hapin e saj të parë drejt anëtarësimit në BE, Këshilli dhe Parlamenti i Bashkimit Evropian arritën marrëveshje për liberalizimin e vizave për qytetarët tanë deri në janar të vitit 2024 – konfirmim më i madh i progresit tonë në agjendën e reformave të BE-së”, shkroi kryeministri Kurti në Twitter.
Today, as the Republic of Kosova took its first step toward EU membership, the Council and Parliament of the European Union reached agreement on visa liberalization for our citizens by January 2024 — more confirmation of our progress on EU reform agenda.
— Albin Kurti (@albinkurti) December 14, 2022
