Krasniqi: Ka kryetarë komunash veriore që frikësohen ta takojnë ndonjë ministër të Qeverisë së Kosovës
Ministri i Administrimit të Pushtetit Lokal, Elbert Krasniqi ka folur rreth vizitave zyrtare në komunat veriore.
Ai tregoi edhe një problem në të cilin hasin vazhdimisht, e ka të bëjë me faktin se kryetarët e këtyre komunave frikësohen të takohen me zyrtarë të lartë të qeverisë.
Kjo i ka rastisur edhe vet Krasniqit, që pohoi se asnjëherë nuk shkon pa i lajmëruar.
“Unë nuk shkoj asnjëherë pa lajmëruar edhe kryetarin që unë do të jem në veri, por shpeshherë ata thërrasin në telefon dhe thonë që – unë jam shumë në gjendje të vij të ju takoj në zyrë në Prishtinë, por këtu e kam pak telashe të ju takoj”, ka thënë ai në RTV Dukagjin.
