Edita Tahiri për Kurti II: Qeveri e territ
Ndërsa, ish-shefja e delegacionit të Kosovës, Edita Tahiri, e cilëson Qeverinë Kurti si “qeveri të territ” sa i përket dialogut me Serbinë.
Në një deklarim dhënë Nacionales, Tahiri ka thënë se nga ky ekzekutiv mungojnë transparenca e llogaridhënia.
Tutje ajo shtoi se Kurti po i frikësohet përgjegjësisë.
“Plotësisht mungon transparenca dhe llogaridhënia, praktikisht kjo është një qeveri e territ për sa i takon dialogut me palën serbe, në një anë dialogun me Serbinë, në të njëjtën kohë i frikësohet përgjegjësisë.
Mendoj që opozita duhet të kërkojë që qeveria të japë llogaridhënie në Parlamentin e Kosovës, para sa të bëhet vonë, apo para se të dëmtohen interesat nacionale të shtetit të Kosovës”, deklaroi Tahiri për Nacionalen.
