Serbia zgjedh qeverinë e re, Washington Post: Vendime të vështira e presin përpara
U inaugurua Qveria e re e Serbisë pasi fitoi zyrtarisht miratimin e parlamentit të mërkurën, rreth gjashtë muaj pas zgjedhjeve që riafirmuan dominimin e presidentit autokratik Aleksandar Vuçiç dhe populistëve të tij të krahut të djathtë.
Votimi në asamblenë prej 250 vendesh ishte 157 pro dhe 68 kundër kabinetit të ri. Pjesa tjetër e ligjvënësve mungonin.
Qeveria e re, e cila do të udhëhiqet nga bashkëpunëtorja e ngushtë e partisë së Vuçiqit, Ana Brnabiç për mandatin e saj të tretë radhazi si kryeministre, do të duhet të merret me vendimet strategjike me të cilat përballet vendi ballkanik. Këto përfshijnë thirrjet perëndimore që Serbia t'i bashkohet sanksioneve kundër aleatit të saj Rusisë për luftën në Ukrainë dhe të normalizojë marrëdhëniet me Kosovën – nëse dëshiron të anëtarësohet në Bashkimin Evropian.
Qeveria e re ka 28 ministra në kabinetin e ri, duke përfshirë pro-rusin, Ivica Daçiç, si ministër të Jashtëm. Qeveria serbe gjithashtu ka përfaqësues që shihen si pro-perëndimorë, megjithëse ata do të udhëheqin ministritë më pak të rëndësishme me ndikim të kufizuar mbi zgjedhjet e ardhshme të politikës së jashtme të Serbisë.
Vuçiç, i cili kryeson partinë në pushtet SNS dhe ka ndikim pothuajse të plotë mbi politikën e qeverisë, ka thënë se ka "besim të pakufishëm" në Brnabiç, 4e cila u bë kryeministrja e parë grua e Serbisë - dhe haptazi homoseksuale - në 2017.
Në fjalimin e saj inaugurues në Parlament, Brnabiç u përpoq të minimizonte pretendimet se qeveria e re është ose pro-ruse ose pro-perëndimore.
“Ne po ndërtojmë një Serbi evropiane dhe vetë anëtarësimi në (BE) sigurisht që nuk varet vetëm nga ne,” tha ajo. "Serbia gjithashtu do të vazhdojë të investojë në miqësitë e saj me vendet e tjera," shtoi ajo, në një referencë të dukshme për Rusinë dhe Kinën.
Serbia është kryesisht e varur nga gazi rus dhe ka blerë armatime nga Rusia, pavarësisht nga fakti se shumica e tregtisë së saj ndërkombëtare është me vendet anëtare të BE-së; Kina është gjithashtu një investitor i rëndësishëm.
Një ish-ultranacionalist antiperëndimor, Vuçiq ka thënë se dëshiron ta udhëheqë Serbinë në BE. Por ai ka refuzuar t'i bashkohet sanksioneve perëndimore kundër Rusisë dhe mban lidhje miqësore me Moskën pavarësisht luftës në Ukrainë. Përafrimi i politikave të jashtme me ato të BE-së mbetet një nga parakushtet kryesore që Serbia të bashkohet me bllokun 27-vendesh.
Vuçiq, një ish-antiperëndimor ultranacionalist, ka thënë se dëshiron ta udhëheqë Serbinë në BE. Por ai ka refuzuar t'i bashkohet sanksioneve perëndimore kundër Rusisë dhe mban lidhje miqësore me Moskën pavarësisht luftës në Ukrainë. Përafrimi i politikave të jashtme me ato të BE-së mbetet një nga parakushtet kryesore që Serbia të bashkohet me bllokun 27-vendesh.
Analisti politik Milan St. Protic tha se Vuçiç dhe qeveritë që ai ka zgjedhur gjatë sundimit të tij 10-vjeçar kanë lejuar zgjerimin e ndikimit rus në vend.
“Është e qartë se Serbia e ka gjetur veten në nofullat ruse,” tha Protic. “Kur u hap ajo derë, ata (rusët) hynë nga të gjitha anët”.
Vuçiq fitoi një mandat tjetër pesë-vjeçar në zgjedhjet e prillit, të cilat ishin njëkohësisht zgjedhje parlamentare dhe presidenciale.
Analistët kanë thënë se Vuçiç donte të vononte sa më gjatë formimin e një qeverie të re për të shtyrë marrjen e vendimeve të mëdha që mund të dëmtonin pozitën e tij në mesin e elektoratit të tij kryesisht pro-rus.
Rusia ka ndikim të fortë politik në Serbi, e cila konsiderohet aleati më i fortë i Moskës në Evropë. Në Perëndim ekziston frika se Moska e ka përdorur Beogradin për të destabilizuar fqinjët në Ballkan, të cilët ende janë duke u lëkundur nga luftërat shkatërruese në vitet 1990.
Artikull i The Washington Post përkthyer nga Nacionale.
