Injoron pengesat në Ukrainë, Putini mburret me aftësitë e armëve ruse
Gati gjashtë muaj në luftë në Ukrainë, në të cilën ushtria ruse ka perfomuar më keq sesa pritej, presidenti Vladimir Putin tha të hënën se Moska ishte e gatshme t'u shesë armë të avancuara aleatëve dhe të bashkëpunojë në zhvillimin e teknologjisë ushtarake.
Me forcat e liderit rus të mundura në dy qytetet më të mëdha të Ukrainës, të cilat vazhdojnë në lindje të vendit duke bërë përparime të ngadalta e me kosto të rënda, lufta deri më tani nuk është dëshmuar të jetë një vitrinë bindëse për industrinë ruse të armëve.
Por udhëheqësi i Kremlinit, duke folur në një shfaqje armësh jashtë Moskës, këmbënguli se armatimet ruse ishin vite përpara konkurrencës.
Rusia i vlerësoi lidhjet e saj të forta me Amerikën Latine, Azinë dhe Afrikën, "dhe është e gatshme t'u ofrojë partnerëve dhe aleatëve llojet më moderne të armëve - nga armët e vogla te automjetet e blinduara dhe artileria, avionët luftarakë dhe mjetet ajrore pa pilot", tha presidenti rus, duke shtuar se “pothuajse të gjitha armët janë përdorur më shumë se një herë në operacione të vërteta luftarake”.
Ai tha se Rusia mund të ofrojë modele dhe sisteme të reja: “Po flasim për armë dhe robotikë me precizion të lartë, për sisteme luftarake të bazuara në parime të reja fizike.”
“Shumë prej tyre janë vite, ose ndoshta dekada përpara homologëve të tyre të huaj dhe për nga karakteristikat taktike dhe teknike janë dukshëm më superiorë ndaj tyre”.
Analistët ushtarakë perëndimorë kanë sugjeruar se ajo që ata e konsiderojnë performancë e dobët të trupave dhe armatimeve ruse në Ukrainë mund t'i bëjë eksportet e armëve të Moskës më pak tërheqëse për blerësit e mundshëm, si India, e cila është mbështetur shumë në teknologjinë e saj në të kaluarën.
Kohët e fundit, Ukraina ka përdorur efektivisht armatimin e furnizuar nga ShBA-ja, veçanërisht sistemet e avancuara të raketave HIMARS, dhe Rusia ka marrë një sërë goditjesh të mëdha, duke përfshirë shkatërrimin e një baze ajrore në gadishullin e Krimesë të aneksuar nga Rusia javën e kaluar.
Megjithatë, Putin tha se forcat e Rusisë dhe përfaqësuesit e saj në rajonin Donbas të Ukrainës lindore po përmbushnin të gjitha detyrat e tyre.
"Hap pas hapi ata po çlirojnë tokën e Donbasit," tha ai.
Fjalimi i presidentit rus ishte pjesë e një modeli deklaratash që nga pushtimi i 24 shkurtit, në të cilin Putin dhe Sergei Lavrov, ministri i tij i Jashtëm, kanë biseduar për potencialin që Rusia të bashkëpunojë me aleatë si Kina, India, Irani dhe të tjerët për të ndërtuar një rend të ri ndërkombëtar që nuk dominohet më nga Shtetet e Bashkuara.
"Dua të theksoj se Rusia qëndron për zhvillimin më të gjerë gjithëpërfshirës të bashkëpunimit ushtarak-teknik. Sot në kushtet e besimit në botën multipolare në zhvillim, kjo është veçanërisht e rëndësishme," tha Putin.
"Ne e vlerësojmë shumë faktin që vendi ynë ka shumë aleatë dhe partnerë të njëjtë në kontinente të ndryshme. Këto janë shtetet që nuk i nënshtrohen të ashtuquajturit hegjemon, liderët e tyre tregojnë një karakter të vërtetë mashkullor dhe nuk përkulen."
