Togeri i Policisë së Kosovës, Bojan Jevtiq, pranon fajësinë: Spiunoi te BIA serbe
Togeri i Policia e Kosovës, Bojan Jevtiq, i arrestuar në vitin 2025 për spiunazh, ka dalë sot para trupit gjykues.
Fillimisht, gjyqtari i rastit, Kushtrim Shyti, njoftoi se prokurori i Prokuroria Speciale, Bekim Kodraliu, me rastin e dorëzimit të aktakuzës kishte bashkëngjitur edhe marrëveshjen për pranimin e fajësisë, të arritur ndërmjet Prokurorisë dhe të pandehurit Jevtiq, raporton Gazeta Nacionale.
Prokurori i rastit e elaboroi marrëveshjen në seancë, për të cilën i pandehuri Jevtiq deklaroi se e kishte arritur pa presion dhe me vullnet të lirë.
Pas kësaj, gjyqtari Shyti mori aktvendim me të cilin marrëveshja për pranimin e fajësisë u aprovua edhe nga Gjykata, ndërsa bëri të ditur se vendimi për Jevtiq do të shpallet sot në ora 15:00.
