Shpend Ahmeti dënohet me dy vite burgim dhe 5 mije euro gjobë
Ish-kryetari i Prishtinës, Shpend Ahmeti, është shpallur fajtor lidhur me akuzën për mosdeklarimin e 172 mijë e 600 eurove.
Gjykata Themelore në Prishtinë sot e ka dënuar Ahmetin me dy vite burgim dhe 5 mije euro gjobë.
Kryetari i Trupit Gjykues, Leon Përlaska, ka treguar për pikat e akuzës ku Ahmeti është gjetur fajtor.
“Edhe fajtor, pasi që nga vitit 2018 në cilësinë e kryetarit të komunës së Prishtinës, ka qenë i obliguar që të bëjë deklarimin. Me dashje ka paraqitur deklarime jo të saktë të pasurisë”, ka shkruar ai.
Në këtë seancë nuk ka qenë prezent Shpend Ahmeti.
