Regjisori që përfitoi 15 mijë euro nga Ministria e Kulturës, e do Hajrulla Çekun kryetar të Prishtinës
“Prishtina ka nevojë për dikë që e njeh mirë sfidën urbane, që dëgjon qytetarët dhe që nuk e sheh këtë qytet si pronë personale. #mehajrën”
Kjo fjali bashkë me këtë fotografi, në mbështetje të Hajrulla Çekut për kryetar të Prishtinës, është shkruar nga regjisori Kosovar Agon Myftari një ditë pasi ka përfituar 15 mijë euro për shfaqje teatrale nga Ministria e Kulturës.
Sipas listës së publikuar, që mund ta shikoni në këtë dokument, lista me përfitues për projekte të ndryshme, mes tyre edhe regjisori Myftari, është publikuar më datën 1 gusht 2025, ndërkaq fotografia ku Myftari shihet duke pirë kafe – gjithnjë sipas kohës së publikuar, është bërë një ditë më vonë, pra më 2 gusht 2025.
