Ylli i Brazilit dhe Manchester Unitedit tregon tre lojtarët më të ‘mëdhenj’ të gjeneratës së tij
Ylli i Manchester Unitedit dhe Kombëtares së Brazilit, Casemiro, ka treguar se cilët janë tre futbollistët që i konsideron si më të ‘mëdhenjtë’ të gjeneratës së tij.
Mesfushori 31-vjeçar mund të konsiderohet vetë si një nga më të mirët e futbollit modern, pasi ka zotëruar rolin mesfushorit defensivë që është bërë kaq i rëndësishëm për ekipet ku ka luajtur deri më tani si dhe për kombëtaren e tij. Casemiro është një fitues pesë herë i Ligës së Kampionëve nga periudha e tij e paharrueshme në Real Madrid dhe e ndihmoi Unitedin të mbyllte pritjen e tyre gjashtëvjeçare për trofeun e Kupës Carabao që ngritën sezonin e kaluar. Ylli brazilian krenohet me shumë tifozë që ka pas tij, por ai është gjithashtu një tifoz vetë - me tre lojtarë në veçanti që ai i konsideron se dallohen mbi të tjerët.
I pyetur nga revista Placar për të kaluar në listën e tij tre të parë, Casemiro tha: “Lionel Messi la gjurmët e tij. Nuk mund ta mohosh. Ai ishte gjithmonë një rival, me Barcelonën dhe me Argjentinën, nuk kishe si t'i shpëtoje. Por ata që e duan futbollin, e pëlqejnë Messin. Ishte kënaqësi të luaja kundër tij. Ai është një djalë që nuk ka nevojë për koment. Thjesht duhet ta admirosh.”
Casemiro shtoi: “Kam pasur kënaqësinë të shoh Messin, Cristiano Ronaldon dhe Neymarin, të cilët janë tre më të mëdhenjtë e gjeneratës time. Unë pashë [brazilianin] Ronaldon, pashë Zinedine Zidane, por, pa dyshim, këta të tre janë më të mirët e kohës sime. Nuk kam luajtur kurrë kundër Cristianos, faleminderit Zotit! Ai më dha shumë tituj dhe fitore”.
Casemiro kaloi shumë vite të mbushura me trofe së bashku me Ronaldon në Santiago Bernabeu, me çiftin që u ribashkuan për pak kohë në Old Trafford përpara se ylli portugez të detyrohej të largohej pasi kontrata e tij u ndërpre në nëntor të vitit 2022.
Ronaldo tani është në Arabinë Saudite me Al Nassr, Messi ka marrë një sfidë të re në MLS me Inter Miamin, ndërsa Neymar mbetet akoma te gjigantët e Ligue 1, Paris Saint-Germain dhe Casemiro po numëron ditët për fillimin e sezonit 2023-24 për Manchester Unitedin.
