Varane thotë se Ten Hag tregoi që nuk iu frikësohet vendimeve të mëdha pasi bëri kapiten Brunon në vend të Maguires
Ylli i Manchester Unitedit, Raphael Varane, ka thënë se trajneri i djajve të kuq, Erik ten Hag, ka treguar se nuk frikësohet të marrë vendime të mëdha, duke marrë shembull që largoi shiritin e kapitenit nga krahu i Harry Maguires për ta bërë lider të skuadrës në fushë Bruno Fernandesin.
Djajtë e kuq do të punojnë me një kapiten të ri në sezonin 2023-24, me shiritin që i është besuar Bruno Fernandesit – i cili zëvendësoi Maguiren. Ten Hag e ka hequr atë përgjegjësi nga mbrojtësi më i shtrenjtë në futbollin botëror, me Maguire që duket se po shtyhet drejt largimit nga Old Trafford. Varane është i kënaqur që sheh Ten Hag duke vepruar me vendosmëri, me holandezin që vazhdon të tregojë se kush është në krye.
Fituesi i Kupës së Botës Varane i ka thënë ESPN-së: “Ai dëshiron një ekip me karakter dhe ai është lider, kështu që duhet ta tregojë vetën. Ai nuk ka frikë të marrë këto vendime dhe të marrë atë përgjegjësi. Kjo është ajo që presim nga trajneri. Ai e bëri atë kështu që unë mendoj, me gjëra të tilla, ju tregoni me shembull. Ai e di saktësisht se çfarë dëshiron. Ai e ka treguar atë vendosmëri dhe që nga dita e parë e kemi ditur saktësisht se çfarë duhet të bëjmë dhe ku dëshiron të shkojë. Gjithçka është e qartë për lojtarët dhe për ekipin dhe ne kemi një lidhje të mirë me trajnerin.”
.jpeg?format=pjpg&auto=webp&width=3840&quality=60)
Fernandes është një nga disa liderët në kampin e Unitedit, me Varane gjithashtu në atë mes talentesh përkrah lojtarëve si Casemiro dhe Lisandro Martinez. Francezi shtoi për djajtë e kuq duke kërkuar që lojtarët të rriten akoma në lojën e tyre: “Ne kemi nevojë për lojtarë me karakter dhe personalitet. Nëse doni të fitoni trofe të mëdhenj, keni nevojë për atë lloj karakteri. Dallimi midis një ekipi të mirë dhe një ekipi shumë të mirë dhe garues për tituj, ndonjëherë është diçka mentale. Duhet të besojmë, kemi nevojë për vendosmëri dhe karakteri i lojtarëve është diçka e rëndësishme”.
United aktualisht është në Shtetet e Bashkuara si pjesë e përgatitjeve të tyre parasezonale , me skuadrën e Ten Hag që do të hapë fushatën e tyre në Premierligë 2023-24 në shtëpi kundër Wolves më 14 gusht.
