Usyk synon përballjen me Furyn për kampionin e padiskutueshëm më 2023 në Ukrainë
Oleksandr Usyk synon të ndeshet me Tyson Furyn në meçin e ardhshëm të tij në vitin 2023 dhe dëshira e tij është që kjo përballje të zhvillohet në Ukrainë.
Lufta e fundit e ukrainasit ishte në gusht të këtij viti, ku konfirmoi titujt WBA, IBF dhe WBO duke mposhtur Anthony Joshuan me vendim të ndarë të gjyqtarëve në Jeddah të Arabisë Saudite.
Bisedimet për një përballje për kampionin e padiskutueshëm në peshat e rënda me mbajtësin e rripit WBC, Fury, u zhvilluan menjëherë pas ndeshjes në Arabinë Saudite, por britaniku në vend të kësaj do të përballet me Derek Chisora në stadiumin e Tottenham Hotspur në muajin e ardhshëm.
Kjo do të thotë se pritja që të gjithë titujt të jenë në linjë vazhdon, dhe ndërsa Usyk është i vendosur të luftojë me Furyn, besimet e tij fetare nënkuptojnë se ata duhet të hyjnë në ring deri më 4 mars ose do të duhet të presin deri më vonë gjatë vitit 2023.
“Tani për tani ekipi im po kërkon biseda me Tyson Fury, dhe ai është me të vërtetë një person i paparashikueshëm, kështu që ne nuk mund të garantojmë se kur”, tha Usyk gjatë një samiti në Lisbonë.
“Për mua, ideja do të ishte të luftoja në fillim të muajit shkurt ose në fillim të muajit mars, si për shembull 4 mars, sepse unë jam i krishterë ortodoks. Gjatë agjërimit të madh përpara Pashkëve nuk luftoj, kështu që duhet të jetë përpara ose pas Pashkëve ortodoks (16 prill).”
“Dua të luftojë me Furyn sepse më duhet rripi i katërt, dhe nuk do të luftoj me askënd tjetër deri ta kem edhe rripin e katërt.”
Usyk dëshiron përballjen në Ukrainë
Duke folur në Lisbonë për luftën që po zhvillohet në vendin e tij, ai tha shteti i tij do ta vazhdojë luftën deri në fund.
Për meçin me Tyson Furyn thotë se organizatorët dëshirojnë në vend që sjell para, por që dëshira e tij është të zhvillohet në Ukrainë.
“Organizatorët janë duku u munduar të gjejnë se ku mund të fitojnë më shumë para. Për mua, po, do të doja të luftoja në Ukrainë. Vendi im është i aftë të presë këtë meç. Do të isha shumë i lumtur nëse do të ndodhte në Olympic Arena në Ukrainë. Por nuk jam unë që vendos për vendin, kështu që mendoj se do të jetë në Arabinë Saudite.”
Fury do të përballet me Chisoran më 3 dhjetor në një trilogji dhe Usyk pyet se pse duhet të ndodhë kjo.
“Nuk e di pse ai ka nevojë për këtë luftë. Ndoshta se ai mendon sepse mund të mbetet një vit pa luftë dhe i nevojitet ajo. Mendoj se është manovër, sepse nuk e di pse ka nevojë ai për këtë”, tha për fund Usyk.
