“Unë jam një parisien” – Mbappe ka një përgjigje për thashethemet që e lidhin me Real Madridin
Ylli i Paris Saint-Germain, Kylian Mbappe, nuk e ka në plan të largohet nga kampioni francez në këtë verë. Këtë e ka bërë të ditur për një medium duke thënë ‘jam një parisien’ dhe se qëllimi i tij është ta fitojë Ligën e Kampionëve me këtë skuadër, pasi është e vetmja gjë që i mungon.
Kishte raportime të ndryshe që e lidhnin me Real Madridin pas përfundimit të këtij sezoni, por 24-vjeçari me një përgjigje jo shumë të kuptueshme, bëri të ditur se e ka në plan të qëndrojë në Parkun e Princave deri në fund të kontratës.
“Hapi i radhës? Triumfi në Ligë të Kampionëve. Unë tashmë kam arritur një finale, gjysmëfinale, çerekfinale, raundin e tetë më të mirave.... Kam bërë gjithçka në karrierë në këtë garë, përveç fitores. Kjo është gjithçka që më duhet. Ku dua ta bëj? Në Paris. Unë jam një parisien dhe nën kontratë. Pra dëshira ime është të fitojë në PSG,” tha Mbappe për France 3, raporton Nacionale.
Është raportuar se në dhomat e zhveshjes të PSG-së ka pasur grindje të vazhdueshme për një rol të lidershipit në skuadër, por nuk është vetëm ai lojtari i vetëm i Parisit pjesë e dramave në Parkun e Princave.
PSG-ja tashmë është eliminuar nga Liga e Kampionëve dhe është në garë për titullin e Ligue 1 që nuk e ka shumë të sigurt, prandaj udhëheqësit po mendojnë shkarkimin e Christophe Galtier, pasi të përfundojë kjo sezon.
Me Lionel Messin dhe Neymar që mund të largohen këtë verë, vendimi i Mbappes për të qëndruar në klub është një lajm i rëndësishëm për skuadrën. Ai ka vazhduar të jetë i lidhur me Real Madridin pavarësisht se ka refuzuar ‘Mbretërit’ për një kontratë të re me PSG-në verën e kaluar.
