Tre të arrestuar për thirrjet homofobike gjatë ndeshjes Liverpool – Chelsea
Tre persona janë arrestuar nga Policia e Merseyside, pas raportimeve se gjatë ndeshjes Liverpool – Chelsea që përfundoi pa gola të shtunën e 21 janarit, pati thirrje homofobike.
Policia e Merseyside ka konfirmuar se tre burra të moshës 49, 37 dhe 23 vjeçare - janë arrestuar nën dyshimin për ngacmim të qëllimshëm homofobik, alarm dhe shqetësim gjatë ndeshjes së Liverpoolit me Chelsean në fundjavë.
Police arrested one man inside Anfield and two further men outside the ground in three separate incidents during Liverpool's match against Chelsea.
— BBC Sport (@BBCSport) January 24, 2023
The three men were arrested on suspicion of homophobic intentional harassment, alarm or distress.
More ⤵️#BBCFootball
37-vjeçari është liruar me kusht në pritje të hetimeve të mëtejshme, ndërsa dy personat e tjerë do të marrin pjesë në një intervistë vullnetare.
Siç raportohet nga The Athletic, mbikëqyrësi, Paul Sutcliffe tha: “Policia Merseyside nuk do të tolerojë krimet që përmbajnë gjuhë të urrejtjes apo të çfarëdo forme dhe ne do të sjellim para drejtësisë këdo që do të gjendet përgjegjës për kryerjen e ndonjë thirrjeje fyese.
“Në këtë rast, nëse tre të dyshuarit akuzohen dhe shpallen fajtorë për veprën penale, atëherë ne do të kërkojmë urdhra për ndalimin e futbollit ndaj tyre.
“Është jetike që kushdo që është dëshmitar i një shkeljeje të tillë ta raportojë menjëherë tek rojet e sigurisë ose te policia, në mënyrë që ne të marrim masat e nevojshme.
“Si me të gjitha ndeshjet, ne punojmë shumë ngushtë me të dy klubet për të garantuar sigurinë e publikut dhe të vetë ekipeve.”
Lajmi për arrestimet vijon nga raportet e mëparshme se 16 individë në fund të ndeshjes ishin dëbuar nga Anfield pasi këndonin vazhdimisht këngë fyese në lidhje me fatkeqësinë e Hillsborough.
Kohët e fundit, Jurgen Klopp kishte lutur tifozët e Liverpoolit, në përpjekje për të zhdukur thirrjet homofobike dhe gjuhen e urrejtjes në stadiumin Anfield.
