Totti mbështet Mourinhon për qëndrimin te Roma: Njeri i madh, trajner i madh
Legjenda e Romës, Francesco Totti, e ka quajtur trajnerin portugez, Jose Mourinhon, si njeri dhe trajner i madh, duke e mbështetur atë në qëndrimin te verdhekuqtë, por nuk e ka përjashtuar mundësinë që në të ardhmen të jetë ai personalisht trajner i ish-skuadrës së tij.
Totti, i cili e kaloi të gjithë karrierën e tij në Stadio Olimpico, ka përshëndetur Mourinhon pas garës së klubit në finalen e Ligës së Evropës dhe përfundimit të tyre në vendin e gjashtë në Serie A. Ai është lidhur me një largim të mundshëm nga klubi këtë verë ku thuhej se kishte interesim si nga Paris Saint-Germain ashtu edhe nga klubi i Arabisë Saudite Al Ahli, edhe pse ai tani duket pothuajse i sigurt se do të mbetet te Roma.
Totti tha për GOAL kur u pyet se çfarë mendon për Mourinhon:"Trajner i madh, njeri i madh, ai bëri shumë. Le të shpresojmë që ai të vazhdojë kështu."
Totti ishte gjithashtu i pyetur për mundësinë për t'u bërë trajner i Romës në të ardhmen dhe u përgjigj: "Nuk di asgjë. A do të më pëlqente? Kush nuk do të donte të qëndronte te Roma?"
Mourinho mund të jetë quajtur si një "njeri i madh", por ai është përfshirë në shumë polemika këtë sezon. Ai është suspenduar nga UEFA për komentet e tij për gjyqtarin Anthony Taylor pas finales, teksa e priste në parking dhe e quajti "turp". Mourinho gjithashtu foli për një ndeshje në Serie A, pasi këmbënguli se zyrtari i ndeshjes Daniele Chiffi mund të jetë më i keqi që ka parë ndonjëherë në një fushë futbolli.
Roma tani shikon përpara në sezonin 2023/24 dhe do të nisë para-sezonin me një përplasje kundër klubit të vjetër të Mourinhos, Tottenham. Kontrata e Mourinhos në Stadio Olimpico do të skadojë në fund të sezonit të tyre të ardhshëm.
