Tifozët e Atletico Madridit e shkatërrojnë pllakën me emrin e Joao Felix pasi portugezi tha se Barcelona është ëndrra e tij
Pllaka me emrin e Joao Felix është pothuajse e shkatërruar në Wanda Metropolitano nga tifozët e Atletico Madridit, pasi portugezi tregoi se ëndrra e tij është të transferohet te Barcelona.
Sulmuesi portugez ka shkaktuar zemërimin e tifozëve të Rojiblancos pasi i tha Fabrizo Romanos: “Do të doja të luaja për Barçën. Barcelona ka qenë gjithmonë zgjedhja ime e parë dhe do të doja të bashkohesha me Barçën. Ishte gjithmonë ëndrra ime që kur isha fëmijë. Nëse ndodh, do të jetë një ëndërr e realizuar për mua.” Këto fjalë nuk kanë shkuar mirë në kryeqytetin spanjoll, me ndjekësit e Atleticos që i bëjnë të qarta ndjenjat e tyre duke goditur me gjësende në emrin e Felix jashtë stadiumit të tyre. Ata gjithashtu kanë gdhendur fjalët "shko te Barca" dhe "ku**ë" rreth një pllake përkujtimore.
🚨💣 BREAKING : La plaque de João Félix devant le Metropolitano a été DÉGRADÉE durant la nuit ! 🤯
— Atleti Francia 🇫🇷 (@AtletiFrancia) July 18, 2023
On peut y lire « p*ta », « rata » et « va al barca » accompagnée d’une grosse croix. ❌ pic.twitter.com/rv3Cv6Qizi
Çdo lojtar që bën më shumë se 100 paraqitje për Atletico merr një pllakë. Felix nuk është i pari që e sheh këtë situatë rreth tij, me Antoine Griezmann që mori trajtim të ngjashëm pas transferimit të tij në 2019 në Barcelonë, ndërsa Thibaut Courtois zemëroi mbështetësit e ish-klubit të tij kur tha se skuadra aktuale Real Madrid janë ekipi më i madh.
Mbetet për t'u parë nëse Felix do të marrë transferimin e tij të ëndrrave në Barcelonë, me vështirësitë financiare në Camp Nou që e bëjnë të vështirë për ta arritjen e marrëveshjeve. 23-vjeçari, i cili ka marrë 131 paraqitje për Atletico, e kaloi pjesën e dytë të sezonit 2022-23 si huazim te gjigantët e Premierligës, Chelsea.
