Skandali i basteve: Ish-ylli i Milanit pezullohet 10 muaj nga futbolli, nuk do të paraqitet për Italinë në EURO 2024
Ish-ylli i Milanit tani i transferuar te Newcastle United, Sandro Tonali, është pezulluar 10 muaj nga futbolli, për shkak të përfshirjes së tij në skandalin e basteve që bëri bujë në futbollin italian. Mesfushori nuk do të jetë në gjendje të kontribuojë për Italinë në EURO 2024, nëse këta të fundit kualifikohen.
Tonali pranoi veprën e basteve në lojërat në të cilat luajti dhe tani ka negociuar një ndalim 10-mujor me prokurorët italianë. Pa bashkëpunimin e tij, italiani do të përballej me një pezullim tre-vjeçar.
.jpg?auto=webp&format=pjpg&width=3840&quality=60)
Tonali nuk është lojtari i vetëm italian që përballet me një ndalim, pasi Nicolo Zaniolo i Aston Villas dhe Nicolo Fagioli i Juventusit janë gjithashtu të implikuar në skandalin e basteve në vazhdim. Ky i fundit tashmë është i ndaluar për shtatë muaj.
Tonali dukej se ishte i vetëdijshëm se nuk do të luante gjatë, pasi ishte inkuadruar në fitoren 4:0 të Newcastles ndaj Crystal Palace fundjavën e kaluar, dhe tani është informuar për dënimin e tij. Tonali do të humbasë pjesën e mbetur të sezonit të Premierligës dhe Euro 2024, nëse Italia kualifikohet.
Presidenti i FIGC (Federatës Italiane të Futbollit) Gabriele Gravina tha: "Prokurori i FIGC dhe Tonali kanë arritur një marrëveshje të cilën unë e kam miratuar tashmë. Marrëveshja konsiston në një ndalim prej 10 ndeshjesh plus tetë muaj aktivitete rehabilitimi dhe të paktën 16 paraqitje”.
FIGC President Gabriele Gravina confirms Sandro Tonali will be banned for 10 months following gambling breaches. He must also undergo a rehab programme for eight months. pic.twitter.com/lvfQWVkB7f
— Ben Jacobs (@JacobsBen) October 26, 2023
Newcastle shpenzoi 55 milionë funte (66 milionë dollarë) për Tonalin kur e bleu atë nga Milani gjatë afatit kalimtar të verës, por 23-vjeçari ka bërë vetëm 10 ndeshje, përpara se ta shihnin atë të hequr nga planet e Eddie Howe.
