Milani ka të ngjarë mos të dënohet për shkak të Tonalit, ja pse?
Tifozët e Newcastle Unitedit janë duke pyetur vazhdimisht në rrjetet sociale se klubi i tyre a do ta padisë Milanin për Sandro Tonalin, që pritet të dënohet pasi shpërtheu skandali i basteve, por do të duhej prova të forta që kuqezinjtë ishin në dijeni që mesfushori italian luante kumar.
Lojtari bëri transferimin në Premierligë gjatë verës për 80 milionë euro, por do të pezullohet për të paktën 12 muaj pasi pranoi se kishte vendosur baste në faqe të paligjshme, duke përfshirë edhe ish-ekipin e tij.
Ka disa arsye pse ai po përballet me një dënim dukshëm më të gjatë se mesfushori i Juventusit, Nicolò Fagioli.
Tonali u vu nën hetim para se të kishte rrëfyer para autoriteteve dhe ndryshe nga Fagioli ai vendosi baste edhe për Milanin.
Megjithatë, duke qenë se bastet ishin për të fituar dhe për të mos humbur, ai nuk mund të akuzohej për trukim të mundshëm ndeshjesh ose për përpjekje për të ndikuar negativisht në rezultat.
Juve deri më tani ka qenë klubi i vetëm që ka bërë një deklaratë publike për përfshirjen e lojtarit të tyre në skandalin e basteve, dhe kjo për shkak se ata u akuzuan hapur nga kolumnisti Fabrizio Corona se e dinin se Fagioli ishte duke luajtur bixhoz.
Athletic foli me Dr. Greg Ioannidis, avokat dhe profesor i ligjit të sporteve klinike në Universitetin Sheffield Hallam, i cili këmbënguli se do të duhej të kishte një barrë shumë të lartë provash që Milani ishte në dijeni të lojërave të fatit të Tonalit në mënyrë që klubi të paditet ose dënohet.
“Do të ishte një goditje e gjatë, por, teorikisht, ky është një opsion që ka Newcastle, dhe mund të përbëjë bazën e veprimit ligjor, pasi Newcastle mund të ketë pikëpamjen se Milani me mashtrim ose pakujdesi ka keqinterpretuar të gjitha faktet materiale,” thotë Dr Ioannidis.
“Ky është një ushtrim i bazuar në fakte/prova dhe mund të kërkojë një shkallë të lartë të provave bindëse dhe sigurisht diçka më shumë se ajo që një agjent tha dhe/ose nuk kishte thënë. Newcastle gjithashtu, që në fillim, duhet ta bëjë absolutisht të qartë se ata nuk kishin njohuri për aktivitetin e supozuar të basteve të lojtarit dhe/ose nuk ishin në një pozicion ku duhet të kishin një njohuri të tillë.”
▪️ Could Newcastle sack Sandro Tonali?
— The Athletic | Football (@TheAthleticFC) October 19, 2023
▪️ Could they take action against Milan?
▪️ What are the rules on wages and fines?@jwhitey98 explores the legal options open to #NUFC if Tonali is banned over alleged betting violations.
Lojtarët nën hetim të cilët kanë pranuar të gjithë kanë thënë se po luanin kumar në faqet dhe aplikacionet duke përdorur telefonat dhe kompjuterët e tyre, kështu që ideja që klubet do të ishin të vetëdijshëm për këtë sjellje në kohën e tyre të lirë është jashtëzakonisht e pamundur.
