Shumë klube të Premierligës të interesuara për Hazardin, por mbesin me rezerva për ‘dështakun’ e Real Madridit

Disa klube të Premierligës kanë shfaqur interesim për të nënshkruar këtë afat kalimtar me Eden Hazard, por ato mbesin me rezerva për shkak të gjendjes së tij fizike, duke parë lëndimet e shpeshta të pësuara në kohën e tij me Real Madridin.

Eden Hazard, i cili aktualisht është një lojtar i lirë pas largimit nga Real Madridi, tërhoqi interesin nga një numër klubesh në Premierligë në javët e fundit, por shumica e këtyre skuadrave kanë rezerva për gjendjen e tij të dobët që mund të pengojë rikthimin e tij të propozuar në Angli, siç raporton Daily Mail.

Futboll / Eden Hazard refuzon të gjitha ofertat, afër pensionimit

Belgu pa një periudhë të tmerrshme katërvjeçare me Real Madridin që përfundoi këtë verë pasi klubi e liroi atë nga viti i fundit i kontratës së tij. Gjatë kohës së tij me ‘Los Blancos’, Hazard startoi në vetëm 30 ndeshje në La Liga.

32-vjeçari gjithashtu tërhoqi interes nga klubet Ligës Pro Saudite dhe atyre të MLS, por ai thuhet se i refuzoi ato oferta. Një raportim i Footmercatos pretendon gjithashtu se ai mund të shpallë tërheqjen e tij nga futbolli profesionist në ditët në vijim, duke përfunduar karrierën në një moshë relativisht të hershme.