Presidenti i WBC-së konfirmon se Joshua ka të drejtë ta sfidojë Furyn

Presidenti i WBC-së, Mauricio Sulaiman, ka konfirmuar se Anthony Joshua ka të drejtë ta sfidojë Tyson Furyn për titullin WBC, pasi boksieri britanik ka hyrë në top 10-she të kësaj kategorie.

Duke folur për Sky Sports, Sulaiman shpjegoi se si Joshua kishte hyrë direkt në top 10-shen e peshave të rënda.

Boks / Zyrtare: Anthony Joshua i pranon të gjitha kushtet për meçin me Tyson Furyn

"Joshua hyri në ranglistë [për] meritat e tij dhe pasi ai nuk ka ndonjë angazhim për një organizatë tjetër," tha Sulaiman.

Me negociatat në vazhdim që Joshua të përballet me Tyson Furyn në ndeshjen e peshave të rënda ndërmjet dy boksierëve britanik, renditja e re e Joshuas është një tjetër hap kyç drejt sfidës së tij ndaj Furyt, kampionit të peshave të rënda WBC.

Sulaiman i ka thënë Sky Sports se ky vlerësim do të thotë se Joshua tani ka të drejtë të sfidojë Furyn për titullin WBC të peshave të rëndë.

Ai pohoi gjithashtu se Joshua është përfshirë në renditjen e WBC si njohje për arritjet e tij.

Edhe pse Joshua dështoi të fitonte titujt e peshave të rënda WBO, WBA dhe IBF kur humbi revanshin me Oleksandr Usyk, kjo disfatë në fakt e ka liruar atë për të sfiduar Furyn për rripin WBC.

Boks / Oleksandr Usyk e zhdëp grushte Anthony Joshuan përsëri për t'i mbrojtur titujt e botës në kategorinë e rëndë

“Ai nuk u vlerësua më parë sepse ishte kampion i organizatave të tjera dhe më pas u nënshkrua për të luftuar për organizata të tjera”, tha Sulaiman për Sky Sports.

Joshua kishte nevojë për këtë renditje për të qenë një kundërshtar i pranueshëm që Fury të bënte një mbrojtje të titullit, në të kundërt ose do duhej të sfidohej nga ndonjë kundërshtar tjetër ose titulli do të kalonte si vakant.

I pyetur nëse Joshua tani ka të drejtë të sfidojë Furyn, Sulaiman u përgjigj: "Po, ai ka të drejtë".

Për më tepër, nuk ka asnjë detyrim aktual të detyrueshëm për titullin WBC që do ta ndalonte Furyn të luftonte me Joshuan në datën e propozuar prej tyre më 3 dhjetor.

Teksa lufta e fundit e Furyt, kur ai mposhti Dillian Whyte në stadiumin Wembley në prill, ishte një mbrojtje e detyrueshme që do të thotë se kampioni ka kohë tani për t’u përballur me një sfidues vullnetar.

Boks / Tyson Fury fiton me nokaut ndaj Dillian Whyte, e rrëzon në raundin e gjashtë

WBC nuk është pengesë për Anthony Joshua që të sfidojë Tyson Fury për titullin e tyre dhe të përpiqet të bëhet tre herë kampion bote në peshën e rëndë. Gjithçka që duhet të bëjnë luftëtarët dhe ekipet e tyre tani është të bien dakord për një marrëveshje.