Osimhen fshin çdo fotografi që ka të bëjë me Napolin, largimi në janar lëvizje e mundshme
Sulmuesi nigerian, Victor Osimhen, ka fshirë çdo fotografi të vetën që kishte postuar me fanellë të Napolit, pasi këta të fundit e kishin tallur me një video në Tiktok. Së fundmi në mediat italiane po raportohet se Osimhen mund të largohet që në janar nga klubi.
Qendërsulmuesi është tërbuar nga një video e postuar në TikTok, duke tallur sulmuesin për humbjen e një penalltie kundër Bolognës. Në sfond, një zë i lartë bërtiste "Më jepni një penallti ju lutem". Është postuar edhe një video e dytë, e cila duket se e krahason sulmuesin me një arrë kokosi.
Agjenti i Osimhen, Roberto Calenda, ka pohuar tashmë se ai dhe klienti i tij mund të ndjekin veprime ligjore kundër klubit të Serie A-së, duke konfirmuar se ai është pothuajse i sigurt që do të largohet në janar. Për t'i shtuar më shumë benzinë zjarrit, 24-vjeçari tani ka fshirë çdo foto të Napolit nga llogaria e tij në Instagram.
Nigeriani ishte një nga sulmuesit më pjellor në Evropë sezonin e kaluar, duke shënuar 31 gola në të gjitha garat. Ai kishte shënuar tre gola në pesë ndeshje për Napolin këtë sezon dhe është përfshirë në skuadrën për ndeshjen e klubit kundër Udineses të mërkurën.
Përplasja e Napolit me Udinese zhvillohet mbrëmjen e sotme, edhe pse mbetet për t'u parë nëse do të përzgjidhet Osimhen në formacionin fillestar.
