Osimhen ‘kërcënon’ me veprime ligjore kundër Napolit
Napoli postoi një rrjetet sociale një video tallëse, me yllin nigerian Victor Osimhen, si figurë qendrore, ku shihej duke humbur penalltinë nga ndeshja e fundit. Tani përfaqësuesi i sulmuesit ka thënë se ndaj klubit mund të ndërmerren hapa ligjor.
Kampioni në fuqi i Serie A-së publikoi një video të Osimhen që humbi penalltinë e tij kundër Bolognës në TikTok dhe në sfond shtoi një zë të lartë duke bërtitur "Më jepni penaltinë ju lutem". Ndërsa klubi tani e ka fshirë videon, agjenti i Osimhen, Roberto Calenda ka sugjeruar që mund të ndërmerren veprime ligjore kundër kampionëve të Serisë A për tallje me klientin e tij në një rrjet social publik.
Deklarata e Calendës thoshte: "Ajo që ndodhi sot në profilin zyrtar të Napolit në platformën TikTok nuk është e pranueshme. Fillimisht u bë publike një video që tallte Victorin dhe më pas, por tani me vonesë, u fshi. Një fakt i rëndë që i shkakton dëme shumë të rënda te lojtari dhe i shton trajtimit që djali po vuan në periudhën e fundit mes gjyqeve mediatike dhe lajmeve të rreme. Ne rezervojmë të drejtën për të ndërmarrë veprime ligjore dhe çdo iniciativë të dobishme për të mbrojtur Victorin."
Osimhen kishte një natë për të harruar kundër Bolognës fundjavën e kaluar pasi humbi një penallti në minutën e 72-të të lojës dhe më pastaj u zëvendësua. Sulmuesi nuk u pa i kënaqur nga vendimi i Rudi Garcia, pasi ai u kap në kamera duke transmetuar zhgënjimin e tij ndaj trajnerit. Napoli përfundoi duke humbur dy pikë pasi arriti një barazim pa gola.
Mbetet për t'u parë tani nëse Osimhen do të përfshihet në formacionin fillestar të Napolit teksa përballet me Udinesen në Serie A të mërkurën.
