Nuk pati paraqitjen më të mirë, por trajneri i Çekisë thotë se Ronaldo është një gjeni i futbollit

Trajneri i Çekisë, Ivan Hasek, ka lavdëruar yllin portugez, Cristiano Ronaldo, ndonëse ky i fundit nuk pati paraqitjen më të mirë të mundshme në fitoren e kombëtares së tij në sekondat e fundit të takimit, në ndeshjen e tyre hapëse të EURO 2024.

39-vjeçari, i cili u paraqit në turne për herë të gjashtë rekord të martën, pati një paraqitje mesatare në ndeshjen hapëse të Portugalisë në Euro 2024 kundër Çekisë, pasi humbi dy raste të mira në pjesën e parë dhe ishte larg nga të qenit një figurë pozitive në sulmin e kombëtares, me skuadrën e Roberto Martinezit që përfundimisht mori një fitore të ngushtë 2:1 falë një autogoli nga Robin Hranac dhe një realizimi në kohën shtesë nga Francisco Conceicao.

Trajneri i Çekisë, Hasek, megjithatë, mbeti i mahnitur nga përkushtimi dhe qëndrueshmëria e legjendës portugeze në fushë në moshën 39-vjeçare, si dhe instinkteve të tij për të gjetur portën, pasi ai e quajti yllin e Al Nassr një "gjeni" dhe duke thënë se është një nga më të mirët në histori të futbollit.

Duke folur për gazetarët, menaxheri tha: "Ne luajtëm kundër një prej skuadrave më të mira në botë dhe isha shumë i zemëruar që pësuam një gol kaq afër fundit. Ronaldo është i jashtëzakonshëm që, në moshën e tij, ai vazhdon të luajë kështu. Ai është një gjeni se si ai është në gjendje të gjejë një mënyrë për të gjuajtur në portë në një hapësirë ​​​​të ngushtë, është e pabesueshme.”

Pasi mposhtën çekët, Portugalia tani do të synojë të vulosë vendin e tyre në 1/8 e finales pasi do të përballet me Turqinë të shtunën në ndeshjen e tyre të dytë të fazës së grupeve të Kampionatit Evropian, me Ronaldon që ka të ngjarë të fillojë sërish nga minuta e parë.