Mirlind Daku shkëlqen me dygolësh, Mura me përmbysje triumfon ndaj Domzale

N.S Mura ka arritur të arkëtojë pikët e plota në sfidën e vështirë ku fituan me rikthim kundër Domzale.

Mura zhvilloi paraqitje më të mirë, me qendërsulmuesin kosovar Mirlind Daku që ishte i jashtëzakonshëm me dy gola, derisa rezultati përfundimtar doli të jetë 4:3.

Sfida ishte tejet interesante, me vendasit që kaluan në epërsi pastaj mysafirët realizuan tre gola dhe në fund Mura përmbysi rezultatin për t'i arkëtuar pikët e plota.

Mirlind Daku pas vetëm 17 minutave lojë realizoi një gol të bukur që t'i jep epërsinë skuadrës sllovene.

Mirëpo, vetëm shtatë minuta më vonë Janez Pisek për të barazuar rezultatin (24'). Vetëm tre minuta më vonë, Mark Strajnar kaloi Domzalen në avantazh (27').

Mura pastaj kishte rastin e artë që të barazonte rezultatin, mirëpo Luka Bobicanec dështoi nga pika e bardhë (30').

Domzale vazhdoi me sulmet e njëpasnjëshme dhe shënoi golin e tretë përmes sulmuesit Arnel Jakupovic, rezultatin me të cilin përfundoi kjo pjesë.

Mura e nisi shumë më mirë pjesën e dytë, me kosovarin Mirlind Daku që doli sërish në skenë për të ngushtuar rezultatin (61') duke dërguar topin në rrjetë me kokë.

Vetëm gjashtë minuta më vonë, mysafirët mbeten me 10 lojtarë në fushë pasi Pisek u ndëshkua direkt me të kuq pas një ndërhyrje të rrezikshme.

Sidoqoftë, Bobiacenec sërish ishte i pasaktë nga pika e bardhë (69'), por dy minuta më vonë realizoi nga penalltia për të barazuar rezultatin (71').

Mura vazhdoi me sulmet e njëpasnjëshme në kërkim të fitores dhe golin e gjetën në fundin e ndeshjes. Ishte Nikola Petkovic që realizoi në kohën shtesë për epilogun përfundimtar 4:3.

Pas kësaj fitore, Mura ngritët në pozitën e pestë me tre pikë, derisa Domzale bie në pozitën e nëntë me një sosh.

Ndërkohë, Mirlind Daku tani prin si golashënuesi më i mirë në kampionatin slloven me dy gola të shënuara.