Messi blen rezidencë në ujë për 10 milionë euro, stadiumin do ta ketë afër 15 minuta
Ylli argjentinas, Lionel Messi, ka blerë një rezidencë të ndërtuar mbi ujë në Fort Luaderdale për 10 milionë euro, në tentim për t’u ambientuar plotësisht me stilin e ri të jetës në Inter Miami.
Shtatë herë fituesi i Topit të Artë ka qenë në kërkim të një baze të përhershme për të strehuar familjen e tij që nga përfundimi i një lëvizjeje mahnitëse në Shtetet e Bashkuara. Tani është zbuluar se ai ka blerë një pronë në Florida që përmban 10 dhoma gjumi, një dhomë spa, dy varka dhe një pishinë.
Vendbanimi i ri i Messit shtrihet në 10,500 metra katrorë dhe gjithashtu ka një garazh me tre makina. Është vetëm 15 minuta larg nga stadiumi DRV PNK i Inter Miamit dhe objekti stërvitor ngjitur i klubit – që do të thotë se argjentinasi nuk ka justifikim për vonesën në lojëra dhe stërvitje përpara se skuadra të kalojë në terrenin e ri të ndërtuar në vitin 2025, edhe pse kjo nuk është se ka ndodhur më parë me të.
Messi ka shpenzuar tashmë 7.3 milionë dollarë për blerjen e të gjithë katit të nëntë në Regalia - një ndërtim superluksoz i godinës në rajonin Sunny Isles Beach të Floridës. Kolegu i klubit të argjentinasit, Sergio Busquets, jeton në rrugën e rezidencës së fundit të blerë në Sea Ranch Lakes.
Messi ka bërë një ndikim të menjëhershëm që kur u lidh me Inter Miamin – duke i ndihmuar ata për një triumf historik të Kupës së Ligës, një vend në finalen e Kupës së Open US dhe qëllimi është t’i ndihmojë ata për të arritur në play-off në Konferencën Lindore të MLS-së.
