Mancini zgjedh 26 lojtarët që do të luajnë në finalet e Ligës së Kombeve, nuk ftohet asnjë lojtar nga Interi

Trajneri i Italisë, Roberto Mancini, ka publikuar listën prej 26 lojtarëve që do të jenë të gatshëm për të luajtur në finalet e Ligës së Kombeve në qershor, por aty nuk gjendet asnjë lojtar i Interit.

‘Azzurri’ do të luajë kundër Spanjës në stadiumin De Grolsch Veste në Enschede, shtëpia e zakonshme e Twentes, përpara se të luajnë kundër Kroacisë ose Holandës në finale apo në play-off për vendin e tretë, në varësi të rezultatit të ndeshjes së parë më 15 qershor.

Futboll / Italia mposht Hungarinë dhe avancon në "play-off", “paqe” mes Anglisë dhe Gjermanisë

Mancini ka përfshirë tre lojtarë që nuk janë paraqitur më parë, të cilët janë në formë të mirë, si Guglielmo Vicario dhe qendërmbrojtësit Federico Baschirotto dhe Alessandro Buongiorno.

Në Ligën e Kombeve do të rikthehen edhe Alessandro Florenzi, Federico Gatti, Manuel Locatelli, Mattia Zaccagni, Nicolo Zaniolo dhe Ciro Immobile, të cilët mbetën jashtë skuadrës së mëparshme.

Asnjë lojtar i Interit nuk është përfshirë nga Mancini, i cili ka zgjedhur t'u japë pushim lojtarëve si Nicolo Barella dhe Francesco Acerbi e Bastoni pas finales së Ligës së Kampionëve që zhvillohet më 10 qershor.

Futboll / Liga e Kombeve: Kosova dhe Shqipëria qëndrojnë aty ku ishin ndërsa Italia, Holanda, Kroacia dhe Spanja luftojnë për trofeun

Portierë: Gianluigi Donnarumma (Paris Saint-Germain), Alex Meret (Napoli), Guglielmo Vicario (Empoli).

Mbrojtës: Federico Baschirotto (Lecce), Leonardo Bonucci (Juventus), Alessandro Buongiorno (Torino), Giovanni Di Lorenzo (Napoli), Alessandro Florenzi (Milano), Federico Gatti (Juventus), Leonardo Spinazzola (Roma), Rafael Tolo (Roma).

Mesfushorë: Bryan Cristante (Roma), Davide Frattesi (Sassuolo), Jorginho (Arsenal), Manuel Locatelli (Juventus), Lorenzo Pellegrini (Roma), Matteo Pessina (Monza), Marco Verratti (Paris Saint Germain), Nicolò Zaniolo (Galatasaray).

Sulmues: Domenico Berardi (Sassuolo), Federico Chiesa (Juventus), Wilfried Gnonto (Leeds), Ciro Immobile (Lazio), Giacomo Raspadori (Napoli), Mateo Retegui (Tigre), Mattia Zaccagni (Lazio).