Liverpooli fiton me mund ndaj Union Saint Gilloise, Roma e ‘shkatërron’ skuadrën zvicerane Servette

Liverpooli dhe Roma kanë fituar edhe ndeshjet e dyta në grupet përkatëse të Ligës së Evropës. Skuadra e Jurgen Klopp me mjaft mund e mposhti Union Saint Gilloise me rezultat 2:0, ndërsa ajo e Jose Mourinhos u tregua e pamëshirshme për skuadrën zvicerane duke e mposhtur 4:0.

Ashtu si Roma edhe Liverpooli, tani pas dy ndeshjeve kanë pikë të plota dhe kryesojnë në grupet përkatëse, ndonëse skuadra romake ka pikë të barabarta me Slavia Prague, që do të takohet në ndeshjen e radhës në kuadër të kësaj gare.

Liverpool – Union Saint Gilloise

Liverpooli ishte dominuese në shtëpi të saj, madje mund të thuhet lirisht se ishte skuadra e vetme që shihej në fushë përgjatë tërë lojës, pasi skuadra belge shumë rrallë posedonte topin, pasi që rrezikimi i portës nuk erdhi as në shprehje.

Me shumë raste të shpërdoruara në këtë takim, goli i parë u shënua në minutat e fundit të pjesës së parë, kur Ryan Gravenberch, gjeti golin për 1:0.

Deri në fund Liverpooli rrezikoi edhe disa herë dhe kishte në kontroll lojën, kështu arriti të gjente golin për 2:0 me anë të Diogo Jotas.

Skuadra e Klopp është e vetme në krye të grupit E, pasi ka fituar dy ndeshjet e zhvilluara deri më tani.

Roma – Servette

Në anën tjetër, Roma, pa mëshirë u tregua ndaj Servettes, duke fituar në Olimpico 4:0.

Golin e vetëm të pjesës së parë e shënoi Romelu Lukaku në minutën e 22-të, pas asistimit të Zeki Çelik.

Me të filluar pjesa e dytë, Andrea Belotti dyfishoi epërsinë, i asistuar nga Lorenzo Pellegrini.

Gjashtë minuta më vonë, saktësisht në minutën e 52-të, Pellegrini u shënua në listën e realizatorëve, me Zeki Çelik që bëri asistin e dytë personal të mbrëmjes.

Belotti shënoi edhe të dytin personal, që rezultoi të ishte për rezultatin përfundimtar 4:0 në minutën e 59-të.

Me dy ndeshje të zhvilluara, Roma dhe Slavia Prague (që mposhti thellësisht Sheriffin) e mbajnë kreun e grupit G me pikë të plota, pra respektivisht nga gjashtë.