“Kurrë nuk kam parë diçka të tillë”: Ish-bashkëlojtari i Messit i mahnitur me paraqitjet e argjentinasit te Inter Miami
Ish-bashkëlojtari i Lionel Messit te Barcelona, Marc Bartra, ka thënë se nuk ka parë asnjëherë paraqitje të tilla, siç po i bënë argjentinasi në Inter Miami, që nga transferimi i tij.
Ikona argjentinase nuk është legjenda e vetme e Camp Nou që ka bërë rrugën e tij në Shtetet e Bashkuara këtë verë, me Sergio Busquets dhe Jordi Alba gjithashtu tani në Florida. Kjo ka mahnitur një audiencë amerikane, me biletat për të parë shfaqjen e Messit duke u bërë shumë të kërkuara.
Bartra, i cili tani është në Real Betis, është ndër ata që e kanë parë nga larg dhe i ka thënë mediumit SPORT se ka parë lavdinë e Messit në Kupën e Ligës gjatë një fillimi mahnitës të jetës në Shtetet e Bashkuara: “Nuk kam parë kurrë diçka të tillë, është një spektakël. Më vjen mirë që ai është i lumtur në Miami dhe gjithashtu për shkak të Busit dhe Albës, flas shpesh me ta. Dhe me Tata [Martinon], i cili u kujdes mirë për mua te Barca”.
Bartra është një produkt i sistemit të famshëm të akademisë La Masia dhe vazhdon të monitorojë nga afër ngjarjet në Kataluni. Ai e ka parë Lamine Yamal të bëhet sensacioni i fundit adoleshent në Barça, me mbrojtësin që thotë për 16-vjeçarin që ka shënuar rekord përpara një takimi me Barcelonën të shtunën: “Shiko, ne ndjekim njëri-tjetrin në rrjetet sociale, dhe unë së fundmi i kam shkruar dhe i kam thënë të mbajë këmbët në tokë, se kjo do ta çojë në karrierë dhe se mentaliteti është gjëja më e rëndësishme, madje më shumë se talenti. Ai bën diferencën dhe duket si një fëmijë shumë i mirë.”
Messi e humbi mundësinë për të rimarrë hapat drejt Barcelonës në verën e vitit 2023, teksa vazhdoi të ndiqte ëndrrën amerikane, dhe duket e pamundur që edhe Bartra të kthehet në Camp Nou para se të vijë koha që ai të mbyllë karrierën, pavarësisht se ai thotë që ka vite tjera për të luajtur.
