Klopp sugjeron se Liverpooli duhet të jetë më aktiv në afatin kalimtar para se të fillojë sezoni në Premierligë

Trajneri i Liverpoolit, Jurgen Klopp, i ka sugjeruar skuadrës së tij të jetë më aktive në afatin kalimtar veror, përpara se të fillojë sezoni i ri në Premierligë, me ndeshjen e parë që zhvillohet më 11 gusht.

Klopp i ka parë planet e tij të transferimeve në një kaos të vërtetë. Pasi nënshkroi me Alexis Mac Allister dhe Dominik Szoboszlai këtë verë, mesfusha e të kuqve u duk se u forcua në mënyrë të duhur - por si Jordan Henderson ashtu edhe Fabinho janë të vendosur të transferohen në Arabinë Saudite. Kjo ka bërë që ata të ndjekin përforcime të mëtejshme dhe Klopp thotë se klubi ka ende kohë për të sjellë blerje të reja.

Futboll / Fabinho gjithnjë e më pranë largimit, nuk udhëton me Liverpoolin për në Gjermani

Duke folur për podcastin We Are Liverpool, Klopp tha: “Fokusi im kryesor dhe energjia ime kryesore duhet të shkojë në seancat stërvitore, kjo është ajo që bëj. Ka mbetur kohë dhe gjërat që mund t’i provojë në stërvitje, po i bëj, pra kjo është ajo që ne po bëjmë. Ende rreth tre deri në katër javë deri në ndeshjen e parë të sezonit, disa gjëra duhet të ndodhin deri atëherë. Patjetër edhe duhet të punohet në afatin kalimtar, kjo është e qartë tani. Do të ndodhë diçka dhe ne do të kemi një ekip të mirë”.

Liverpooli është lidhur me mesfushorin e Crystal Palace, Cheick Doucoure dhe Moises Caicedo të Brightonit, i cili kërkohet gjithashtu nga Chelsea. Të kuqtë ka të ngjarë të lëvizin shpejt për një mesfushor të ri pasi të konfirmohen largimet e Fabinhos dhe Hendersonit.