Klopp: Askush nuk mund ta zëvendësojë Salah, Firminon dhe Manen
Trajneri i Liverpoolit, Jurgen Klopp, ka folur për planet e klubit rreth afatit kalimtar veror, ku ndër të tjera ka thënë se treshja e sulmit e dikurshme e të kuqve nuk do të mund të zëvendësohet asnjëherë, me Mohamed Salah, Roberto Firmino dhe Sadio Mane që udhëhiqnin linjën vetëm një sezon më parë.
Liverpool ka lëvizur për të rifreskuar linjën e tyre sulmuese duke sjellë Luis Diaz, Darwin Nunez dhe Cody Gakpo, por Klopp e ka bërë të qartë se sulmi i tij i ri do të ndryshojë nga linja e tij e mëparshme sulmuese e drejtuar nga Firmino, Salah dhe Roberto Firmino.
"Nuk është e mundur të përsëritet [Mane, Salah, Firmino] sepse ishte një marrëdhënie e veçantë," tha ai. "Ka funksionuar shumë mirë. Të gjithë mund të luanin me 100 për qind të forcës, do të thosha. Sistemi që gjetëm për djemtë i ndihmoi ata, ndërsa të tre do ta shihnin saktësisht në të njëjtën mënyrë këtë."
Liverpool do të tentojë përforcimin e mesfushës e tyre gjatë verës, me Jude Bellingham një objektiv kryesor, dhe Klopp thotë se paraqitja e Stefan Bajcetic dhe Harvey Elliott nuk do të ndikojë në planet e transferimit të klubit.
"Ne e dimë saktësisht se çfarë na duhet. Kjo nuk ndryshoi. Nuk do të thosha që kur filluam planifikimin tonë në shtator/tetor, Stefani ishte domosdoshmërisht i përfshirë në të gjitha këto plane, por sigurisht që ai që tani është. Do të ishte çmenduri nëse jo”, tha trajneri gjerman.
"Kështu ka qenë gjithmonë dhe do të jetë gjithmonë. Ne kemi nevojë për lojtarë. Ne llogarisim në ta patjetër, sigurisht për sezonin e ardhshëm. Është mirë dhe ka shumë për të ardhur nga djemtë, nga të dy. Është shumë, shumë e dobishme dhe pak a shumë gjëja më e rëndësishme, por kjo nuk do të thotë që ne nuk mund t'i hedhim një sy verës."
Salah në fund të sezonit do të mbetet i vetëm në Liverpool nga treshja e dikurshme, pasi Firmino ka kumtuar largimin në përfundim të sezonit, teksa egjiptiani është tani golashënuesi më i mirë i të gjitha kohërave i Liverpoolit në Premierligë, duke shënuar 129 herë në 205 paraqitje.
Të udhëhequrit e Kloppit përballen me Bournemouth sot gjatë ditës, në tentim për të vazhduar formën e mirë nga java e kaluar.
