Guardiola thotë se Haaland nuk mund ta mbajë këtë formë gjatë tërë sezonit: Momentet e këqija po vijnë
Trajneri i Manchester Cityt, Pep Guardiola, ka paralajmëruar sulmuesin e tij Erling Haaland se nga forma e jashtëzakonshme që po kalon, mund të vijnë momente të këqija, pasi që është e vështirë ta mbajë këtë formë përgjatë tërë sezonit.
Norvegjezi ka thyer rekorde të njëpasnjëshme që kur iu bashkua Manchester Cityt në verë dhe goli i tij kundër Southampton fundjavën e kaluar e bëri atë lojtarin më të shpejtë që ka arritur 15 gola në historinë e Premierligës.
Megjithatë, Guardiola beson se ka ende hapësirë për t'u përmirësuar dhe do të ketë një pjesë të dobët diku poshtë linjës. Në të njëjtën kohë, ai është i bindur se mentaliteti monstruoz i Haalandit do ta ndihmojë atë të kapërcejë ato kohë të vështira dhe të shkëlqejë përsëri.
"Shumë momente të këqija po vijnë me siguri - dhe në ato momente ai duhet të thotë 'është në rregull, tani shkoni për tjetrën'. Ne u habitëm nga mentaliteti i tij. Ne i dimë aftësitë e tij, por si sillet në momente të këqija, në ato situata”, ka thënë trajneri spanjoll.
"Ai ndoshta do të shkojë 20 minuta, duke mos u përfshirë në lojë - por ai kurrë nuk është jashtë loje. Kjo sepse ju gjithmonë besoni se jeni në proces. Kur keni aftësi atëherë ju besoni se është gjithmonë më e lehtë. Haaland është gjithmonë aty, duke thënë ‘Do të arrij, do të jem atje, do të shënoj gol’”, shtoi ai.
Haaland tashmë ka shënuar tre het-trick, përfshirë një në derbin e Manchesterit dhe ka qenë një makth për mbrojtësit. Ndërkohë, mbrojtësi i Liverpoolit, Virgil van Dijk ka shpjeguar se si ta ndalojë atë dhe do të jetë një betejë e pabesueshme mes dyshes kur dy skuadrat e tyre të përballen me njëra-tjetrën në Anfield të dielën.[
Guardiola zgjodhi të pushonte Haalandin kundër Copenhagen të martën në Ligën e Kampionëve, për ta mbajtur atë të freskët për përballjen me Liverpoolin.
Kjo ishte njëkohësisht e vetmja ndeshje në të cilën Haaland nuk luajti asnjë minutë për Manchester Cityn.
