De Ketelaere zyrtarizohet te Milan, fjalët e tij të para: Isha shumë i emocionuar kur u interesuan për mua

Milan ka konfirmuar zyrtarizimin e fantazistit belg, De Ketelaere. I shumëpritur nga Pioli, Maldini, Massara dhe tifozët, tani ai do të mund t'i tregojë aftësitë e veta.

Prej shumë kohësh u kërkua nga Milan, por tek sot, më 2 gusht, erdhi zyrtarizimi i kalimit të tij te kampioni në fuqi i Serie A. Fjala është për fantazistin De Ketelaere, që ishte prioriteti kryesor në listën e lojtarëve për t'u transferuar te Milan.

Një pritje e pafund, që shpesh dukej se po i shterronte energjitë e të gjithëve - përfundoi me sukses nga të gjitha palët.

Transferet 2022 / Mësohet dita kur De Ketelaere do t'u nënshtrohet testeve mjekësore

Kësisoj, gjatë mbrëmjes së sotme, erdhën konfirmimet e dyfishta, nga të dy kluet, Milan dhe Club Brugge, për zyrtarizimin e marrëveshjes për futbollistin e ri belg.

Fjalët e para të De Ketelaere si futbollist i Milani

Menjëherë pasi u zyrtarizua si lojtar i ri i Milanit, De Ketelaere dha prononcimin e tij të parë me fanellën "kuqezi".

Transferet 2022 / Chelsea shtang Milanin, befasishëm bën zyrtare arritjen e marrëveshjes për Carney Chukwuemeka

Ai mes tjerash tregoi edhe se si e kishte pranuar interesimin e Milanit, kur i njëjti i ishte kumtuar.

"Jam një djalë që zakonisht është i qetë, por në atë rast isha shumë i emocionuar për interesimin e Milanit. Nuk dija si të reagoja. Thonë që nuk mund ta paramendosh pa ardhur këtu. Kur i dëgjon dhe sheh tifozët, vëren që është ndryshe nga e folura e thjeshtë paraprakisht", ka deklaruar ai.

Club Bruges i uron fat De Ketelaeret

Përmes një shkrimi në profilin zyrtar të klubit në rrjetin social Twitter, Club Brugges e ka përshëndetur tashmë ish-futbollistin e tij, De Ketelaere, duke i uruar fat në aventurën e tij të re.

"Bënani të ndihemi krenarë në Milano", ka shkruar faqja zyrtare e klubit belg mes të tjerash.

Te skuadra belge, 21-vjeçari është zhvilluar si futbollist, që prej grupmoshave të reja. Në futbollin profesionist ai ka zhviluar 90 ndeshje, ku me ç'rast ka spikatur me 18 gola të realizuar.