Ancelotti lë të kuptohet se Real Madridi nuk do të nënshkruajë me Mbappen, thotë se ka skuadër të kompletuar

Trajneri i Real Madridit, Carlo Ancelotti, ka insistuar se është i lumtur me skuadrën e tij, duke sugjeruar se mbretërit nuk do ta transferojnë Kylian Mbappen këtë afat kalimtar.

Trajneri italian tha se skuadra e tij Real Madridi është 'e kompletuar', pavarësisht zërave që e lidhin Mbappen me mbretërit. Sulmuesit të PSG-së i skadon kontrata verën e ardhshme dhe pritet t'i bashkohet Real Madridit si lojtar i lirë, megjithëse skuadra franceze dëshiron ta shesë atë para përfundimit të afatit kalimtar aktual.

Duke folur përpara miqësores së Real Madrid kundër Barcelonës të shtunën, Ancelotti tha: "Unë mendoj se jemi të kompletuar. Lojtarët e rinj po bëjnë shumë mirë. Brahim [Diaz] dhe Joselu kanë treguar se mund të kontribuojnë në skuadrën tonë në sulm. Mendoj se skuadra ka shumë opsione sulmuese për të na dhënë shanse për të shënuar gola”.

PSG është e bindur se Mbappe ka rënë dakord të bashkohet me Madridin në vitin 2024 pasi sulmuesi francez refuzoi të zhvillonte bisedime me Al Hilal për një lëvizje të propozuar prej 300 milionë eurosh. I pyetur drejtpërdrejt për 24-vjeçarin, Ancelotti tha: “Nuk më shqetësoni kur më pyetni për të, por nuk do të përgjigjem”.

Mbappe ka treguar se nuk ka ndërmend të kalojë një vit në Arabinë Saudite para se t'i bashkohet Real Madridit falas, por pasi kanë shpenzuar tashmë 115 milionë funte për Jude Bellingham, gjigantët spanjollë nuk kanë gjasa të jenë në gjendje ta përballojnë Mbappen këtë verë.