Deputeti Bajqinovci po ashtu merr meritat për liberalizim vizash: Është luftuar pakompromis korrupsioni
Deputeti i Vetëvendosjes, Mefail Bajqinovci, ka bërë një status në profilin e tij në Facebook e në të cilin ka goditur partitë opozitare për liberalizimin e vizave.
Edhe ky deputet i ka lënë meritat Qeverisë Kurti për “luftën e pakompromis ndaj korrupsionit dhe krimit të organizuar”.
Ai ka përmendur specifikisht ish ambasadoren Vlora Çitakun, që kritikoi Kurtin që po ashtu mori meritat.
Ajo kishte thënë se Kurti “ka thënë të pavërteta të mëdha” në fjalët e tij. Në fakt, siç ka raportuar Nacionale, Kurti ka folur të pavërteta edhe në lidhje me indikatorin e World Justice Project.