Pamje nga aksidenti i 200 automjeteve në një autostradë në Kinë

Një person ka vdekur në një përplasje zinxhirore në autostradë që përfshin rreth 200 automjete në qytetin qendror kinez të Zhengzhou, njoftoi transmetuesi shtetëror CCTV të mërkurën, 28 dhjetor.

Imazhet ajrore tregojnë makina, furgona dhe kamionë të grumbulluar në një pjesë të autostradës në mjegull të dendur.

Sipas mediave shtetërore, aksidenti ka ndodhur për shkak të dukshmërisë së dobët për shkak të mjegullës.

“Të mërkurën në mëngjes, pati një grumbullim të papritur të mjegullës në urën mbi lumin e Verdhë në Zhengzhou, duke shkaktuar një aksident trafiku ku përfshiheshin shumë automjete”, thanë autoritetet, duke shtuar se një person humbi jetën.

Shumë nga të plagosurit kanë mbetur të bllokuar në automjetet e tyre, dhe departamenti i zjarrfikësve dërgoi 11 automjete dhe 66 zjarrfikës për të ndihmuar, njoftuan mediat shtetërore.

"Kjo është e tmerrshme. Ka shumë njerëz këtu, nuk mendoj se mund të zbresim nga ura", dëgjohet të thotë një person në një regjistrim. /Nacionale/