Numri 68 i PDK-së: Programi i PDK-së po mirëpritet kudo
Në ditën e dytë të fushatës zgjedhore, kandidatja e PDK-së për deputete, Aurora Berisha, ka vazhduar takimet me elektoratin.
Ajo ka realizuar një takim në fshatin Qikatovë e Re, në familjen e Halim Gjelit, ku ka prezantuar programin e PDK-së.
Në profilin e saj në “Facebook”, ajo ka shkruar se ky program po mirëpritet kudo.
“Në Qikatovë të Re, në familjen e Halim Gjelit, një fshat i vogël por me zemër të madhe, është i njohur për mikpritjen e saj të jashtëzakonshme, dhe kjo nuk mungoi për programin tonë për një Kosovë më të mirë dhe për kandidatin tonë për kryeministër, z. Bedri Hamza. Faleminderit, Qikatovë!”, ka shkruar Berisha.
