Kryediplomati togolez dikur i buzëqeshur pranë Pacollit, sot konfirmoi tërheqjen e njohjes
Robert Dussey, aktualisht është ministër i jashtëm i Togos.
Në një konferencë të përbashkët për media, konfirmoi tërheqjen e njohjes së Pavarësisë së Kosovës.
Madje, ai lavdëroi ministrin serb, Ivica Daçiq për rikthimin e diplomacisë serbe te 54 shtetet afrikane, që njëherit përbëjnë një të tretën e vendeve anëtare të OKB-së.
“Ne në Togo njohim vetëm një Serbi, një Serbi të bashkuar. Jam i lumtur që ju dëgjoj duke përmendur tërheqjen e njohjes së Kosovës dhe ky është vendim definitiv.” – ka thënë Dussey.
Megjithatë, ky i fundit ishte pikërisht edhe ministri që e njohu Kosovën. Bashkë me atëbotë, kryediplomatin kosovar, Enver Hoxhaj, kishin arritur marrrëveshje për bashkëpunimin diplomatik mes dy vendeve.
Rol të rëndësishëm në këtë proces pat luajtur edhe kreu i AKR-së, Behgjet Pacolli.
