Fjalimi i plotë i Kurtit në mbledhjen e qeverisë: Sonte në orën 19:48 minuta do të bëhen dy vjet
Kryeministri i Kosovës, Albin Kurti në mbledhjen e sotme të Qeverisë ka mbajtur një fjalim të gjatë, ku ka folur për sfidat dhe të arriturat për punën dyvjeçare të qeverisë së tij.
Kurti fjalimin e tij e ka filluar me punës e pandemisë Covid-19 dhe me sigurimin e vaksinave.
Ai ka theksuar punën e qeverisë për menagjimin e krizës energjetike dhe krizës ekonomike.
“E megjithatë, përkundër vështirësive të shkaktuara nga pandemia, kriza energjike dhe pasojat e luftës në Ukrainë, rritja mesatare ekonomike në këto dy vite, ka qenë rreth 7%, që është më e lartë se çdo rritje tjetër mesatare për dy vite tjera rresht, që nga shpallja e Pavarësisë. Për dy vite, buxhetit të shtetit i janë shtuar 760 milionë euro, kurse ekonomisë, 2.1 miliardë euro. Të gjitha këto pa ndryshime të politikave fiskale. Rezultat drejtpërdrejt i qeverisjes së mirë, i luftimit të ekonomisë joformale, parandalimit të kontrabandës, formalizimit të punëtorëve dhe ngushtimit të hendekut tatimor.” – ka thënë ndër të tjera ai.
“Të vetëdijshëm për nevojat dhe kërkesat e vendit, në pjesën e dytë të mandatit tonë duhet të bëjmë edhe më shumë, edhe më shpejtë.” – ka thënë në fund të fjalimit Kurti.
