Çka ka ndodhur javën e fundit të vitit 2022 në Kosovë
Që nga muaji mars 2022, kur gazeta Nacionale filloi punën, prej atëherë e deri më sot 1 janar 2023, keni mundur të lexoni çdo të diel përmbledhjen me ngjarjet kryesore që kanë ndodhur gjatë një jave.
Ketë përmbledhje mund ta lexoni edhe për javën e fundit të viti 2022 dhe për çdo javë të viti 2023.
Lirimi i Pantiqit dhe heqja e barrikadave
Java e fundit e muajit dhjetor ishte e tensionuar për shkak të barrikadave që u vendosën në katër komunat verirore të Kosovës: Mitrovicë Veriore, Zveçan, Zubin Potok dhe Leposaviq, bile ato dolën edhe në territorin e Serbisë duke u vendosur 2 kilometra larg pikës kufitare në Merdarë.
Mirëpo këto barrikada në ditë e 20 që nga vendosja, u larguan.
E largimi i tyre, erdhi pas lirimit të ish-policit serb, Dejan Pantiq dhe serbit tjetër Nikolla Nedeljkoviq pasi ishte kushti kryesor i përfaqësuseve të serbëve të Kosovës për largimin e barrikadave.
Pantiq u lirua dhe barrikadat u hoqën një ditë pas.
Pantiq u lirua nga masa e paraburgimit për t'iu caktuar masa e arrestit shtëpiak.
E lirimi i tij nxiti reagime të jashtëzakonshme në vend e më gjerë.
Kryeministri Kosovës, Albin Kurti u shpreh i habitur për lirimin e tij teksa u hodh në sulm ndaj prokurorit dhe gjyqytarit që morën vendim.
"Kur ke një akuzë për terrorizëm e të dërgohesh në arrest shtëpiak, e unë jam kurreshtar ta marrë vesh se cili është ai prokuror që e bën këtë kërkesë dhe ai gjykatës i procedurës paraprak që e kanë marrë këtë vendim”, ka thënë Kurti.
Mënjëherë pas Kurti edhe zyrtarë të lartë të pushtetit e Vetëvendosjes, sulmuan e linçuan prokurorin dhe gjyqtarin.
Në anën tjetër opozita kritikoi Kurti se po manipulon dhe po tenton të fshehë kinse një marrëveshje për largimin e barrikadave dhe lirimin e Pantiqit.
“Ujdi e fshehtë për largimin e barrikadave”, thanë nga opozita të cilët kërkuan sqarime nga kryeministri Kurti.
Ndërsa për largimin e barrikadave, kryeministri Kurti tha se i larguan ata që i vendosën,
“Barrikadat po hiqen, të dielen e thamë që është çështje ditësh se kur do të largohen, edhe më mirë që kjo do të bëhet pa ndërhyrjen e Policisë tonë. Vet i vunë barrikadat, vet i hoqën ato, me fjalë tjera janë lodhur ata të cilët e bllokuan veten,” – u shpreh Kurti pa e përmendur fare rastin e Pantiqit.
E largimi i barrikadave i mirëprit nga SHBA e BE dhe bënë thirrje që palët të fokusohen në dialog.
Pas 20 ditëve, rrugët u liruan e pikat kufitare Bërnjak e Jarinje u hapën për qarkullim.
Vitia përsëri në Shëndetësi
Pas 79 ditëve pa ministër të Shëndetësisë dhe pas kërkimeve të shumta të qeverisë për një ministër të ri i cili nuk u gjend, kryeministri Kurti e emëroi edhe një herë Arben Vitinë ministër të Shëndetësisë.
Emri i Vitisë në krye të këtij dikasteri u bë më anë të një komunikatë me një paragraf. Në të nuk pati asnjë fotografi nga nënshkrimi i vendimi siç zakonshëm ndodh.
“Tash do të punojmë edhe më shumë sesa në të kaluarën në shëndetësi. Unë besoj që emërimi i tretë i Arben Vitisë do të jetë një gjë e cila do të dëshmohet se ia ka vlejtur edhe sa i përket mirëqeverisjes, por në të njëjtën kohe edhe sa i përket një dobie të përshpejtuar në këtë sektor. Me këtë rast më lejoni të falënderoj përzemërsisht për kontributin e tij të madh me përpjekje titanike në kushte tejet të vështira të doktor Rifat Latifit”, ka thënë Kurti.
Emërimi i Vitisë u prit mes kritikave pasi sipas tyre emërimi është dashur të ndodh më parë.
Gjithashtu, partitë opozitare e kritikuan duke thënë se Vitia ishte skandaloz gjatë mandatit të kaluar.
Javën që po e lëmë pas ishte edhe mos-reagimi i ministrit të Bujqësisë, Faton Peci ndaj një vajze nga komunitetet e cila u largu me forcë nga një kafiteri.
Peci nuk kishte reaguar ndaj këtij veprim i cili u kritikua me të madhe teksa më skandaloz ishte edhe reagimi i tij, ku akuzoi të tjerët që po tentojnë ta njëllosin atë.
