Venezuelë: Dy djem 11-vjeçarë shpëtohen nga rrënojat pas disa ditësh të bllokuar
Dy djem 11-vjeçarë janë shpëtuar veçmas nga rrënojat e ndërtesave të shembura, brenda pak orësh nga njëri-tjetri, të shtunën, raportoi BBC.
Pamjet filmike të shpëtimit të djalit të parë, të identifikuar si Moises, treguan momentin kur ai u nxor nga mbetjet e përdredhura të ndërtesës. Sytë i ishin mbuluar për t’i mbrojtur nga drita e diellit, ndërsa ekipet e shpëtimit duartrokisnin pas nxjerrjes së tij nga rrënojat.
Sipas BBC-së, Njësia Kombëtare e Kolumbisë për Menaxhimin e Rrezikut nga Fatkeqësitë njoftoi se Moises ishte bllokuar nën rreth tre metra rrënoja. Ekipit të shpëtimit iu deshën gjashtë orë për të arritur tek ai, në një operacion që autoritetet e përshkruan si “high-precision work”.
Disa orë më vonë, presidentja e përkohshme Delcy Rodríguez njoftoi shpëtimin e një tjetër djali 11-vjeçar. Ajo publikoi në rrjetet sociale një video ku djali shihej duke u transportuar me barrelë poshtë një mase të madhe rrënojash.
