Ferizaj: E vjedhi një armë zjarri, ia shiti një të mituri 400, i mituri ia shiti 500 një shtetasi të Maqedonisë V.
Një burrë ka lajmëruar policinë se nga vetura të cilën e kishte lënë për ta pastruar i është vjedhur revolja me karikator dhe 13 fishekë.
Sipas raporti të PK-së, është identifikuar i dyshuari i cili ka “pranuar në veturën e ankuesit e ka marrë revolen dhe e ka shitur tek i dyshuari tjetër mashkull kosovar, i mitur në shumë prej 400 €, i cili ka deklaruar se e ka shitur revolen. Është identifikuar dhe arrestuar i dyshuari mashkull kosovar i cili ka pranuar se e ka blerë revolen nga i mituri ne shumë prej 500 € dhe për të njëjtën shumë e ka shitur tek i dyshuari mashkull shqiptar shtetas i Maqedonisë Veriore i cili është arrestuar dhe ka treguar se revolen e ka fshehur në një vend në afërsi të kufirit.”
Raporti i plotë:
VJEDHJE & IMPORT, EKSPORT, FURNIZIM DHE TRANSPORTIM TË ARMËVE
Ferizaj, 28.10.2022 – 23:00. Ankuesi mashkull kosovar ka raportuar se nga vetura iu është vjedhur revolja me karikator, dhe 13-fishekë cal-9mm, të cilën e kishte lënë për ta pastruar dhe parkuar në parking, ndërsa çelësat e veturës u kishte lënë punëtorëve të parkingut. Hetuesit policor pas angazhimeve aktive kanë identifikuar dhe shoqëruar në stacion policor një të dyshuar mashkull kosovar i cili ka pranuar se në veturën e ankuesit e ka marrë revolen dhe e ka shitur tek i dyshuari tjetër mashkull kosovar, i mitur në shumë prej 400 €, i cili ka deklaruar se e ka shitur revolen. Është identifikuar dhe arrestuar i dyshuari mashkull kosovar i cili ka pranuar se e ka blerë revolen nga i mituri ne shumë prej 500 € dhe për të njëjtën shumë e ka shitur tek i dyshuari mashkull shqiptar shtetas i Maqedonisë Veriore i cili është arrestuar dhe ka treguar se revolen e ka fshehur në një vend në afërsi të kufirit. Revolja është gjetur dhe në koordinim me prokurorin e shtetit është kthyer tek pronari. Rasti dërgohet në procedurë të rregullt.
